جاڭادان اشىلعان كەشەندە تاۋلىگىنە 210 ليتر شۇبات، 1800 ليتر قىمىز وندىرىلەدى

استانا. قازاقپارات - اتىراۋ وبلىسىنىڭ يندەر اۋدانىندا قىمىز بەن شۇبات وندىرەتىن كەشەننىڭ تۇساۋكەسەرى ءوتتى.

كەشەننىڭ باس ينجەنەرى مۇحيت كوشەربايەۆ وبلىس باسشىسىنا ءوندىرىس بارىسىن تانىستىردى،

دەپ حابارلادى strategy2050.kz وبلىس اكىمدىگىندە سىلتەمە جاساپ.

كەشەندە تاۋلىگىنە 210 ليتر شۇبات، 1800 ليتر قىمىز ءوندىرۋ جانە جىلىنا 1080 ك گ جىلقى، 735 ك گ تۇيە ەتىن ءوندىرۋدى جوسپارلانعان. قازىر 150 ليتر شۇبات پەن 60 ليتر قىمىز عانا شىعارىلا باستادى. 25 ادام تولىق جۇمىسپەن قامتىلادى. بولاشاقتا تاۋار كولەمىن ارتتىرىپ، ونى رەسەيگە، الىس شەت ەلدەرگە شىعارۋ ويدا بار.

قوجالىق العان نەسيەسىنە 142 جىلقى جانە 40 باس تۇيە مەن قىمىز، شۇبات قۇياتىن قوراپتاردى دايىندايتىن قوندىرعىلار ساتىپ العان.

قىمىز بەن شۇبات ارنايى ءبىر توننالىق بولەك- بولەك قازانعا جينالادى دا، سودان سوڭ ءونىمنىڭ قاۋىپسىزدىگىن قامتاماسىز ەتۋ ءۇشىن بەلگىلەنگەن تەمپەراتۋرادا قىزدىرىلىپ، قايتا سۋىتىلادى. وسى جەردە ارنايى زەرتحانادا ءونىم ساپاسى تەكسەرىلگەن سوڭ ءبىر ليترلىك قۇتىعا قۇيىلادى. بۇل جۇمىستىڭ ءبارى رەسەيلىك جانە يتالياندىق تەحنولوگيالارمەن جابدىقتالعان كەشەندە اۆتوماتتى تۇردە جۇزەگە اسىرىلادى.

«ەلباسىنىڭ تاپسىرماسىنا وراي قازىر اۋىل شارۋاشىلىعىمەن شۇعىلدانامىن دەۋشىلەرگە بارلىق جاعداي بار. بۇل سالا قازىر تابىستىڭ كوزىنە اينالىپ وتىر. وزگەنىڭ ونىمىنە كوز ساتپاي، اتىراۋ وڭىرىندە مال ءوسىرىپ، ەگىن سالىپ، ءوز ءونىمىمىزدى شىعارۋىمىز كەرەك» ، - دەدى ايماق باسشىسى باقتىقوجا ىزمۇحامبەتوۆ.