21 گرادۋسقا دەيىن اياز: دەمالىسقا كۇن رايى بولجامى

«قازگيدرومەت» ر م ك 2-4- جەلتوقسان ارالىعىنداعى كۇن رايىنا بولجامىن ۇسىندى، دەپ حابارلايدى kazinform.

الداعى كۇندەرى بەلسەندى اتلانتيكالىق سيكلون جىراسىمەن جانە ونىمەن بايلانىستى اتموسفەرالىق فرونتالدى بولىكتەردىڭ اسەرىنەن قازاقستاننىڭ باسىم بولىگىندە جاۋىن-شاشىندى (جاڭبىر، قار) بولادى.

3- جەلتوقساندا - سولتۇستىك-باتىستا جانە سولتۇستىكتە، 3-4- جەلتوقساندا - شىعىستا، 4- جەلتوقساندا ەلىمىزدىڭ وڭتۇستىك-شىعىسىنداعى تاۋلى اۋدانداردا قاتتى جاۋىن-شاشىن بولجانادى.

رەسپۋبليكانىڭ سولتۇستىك جارتىسىندا جاۋىن-شاشىنمەن قاتار كوكتايعاق پەن بۇرقاسىن كۇتىلەدى.

ەل بويىنشا تۇمان، 15-29 م/س ەكپىندە جەل بولجانادى. سولتۇستىك-باتىس پەن سولتۇستىكتە جەلدىڭ جىلدامدىعى كەي ۋاقىتتا 30 م/س جانە ودان جوعارى بولادى.

4- جەلتوقساننان باستاپ سولتۇستىك-باتىس انتيتسيكلونىنىڭ جوتاسىمەن سۋىق اۋا ماسسالارى ەنەدى. بۇل قازاقستاننىڭ باسىم بولىگىندە تەمپەراتۋرانىڭ كۇرت تومەندەۋىنە اكەلەدى. سولتۇستىك-باتىس جانە سولتۇستىكتە تۇنگى ساعاتتاردا 7-21 گرادۋس ايازعا دەيىن، ال ورتالىق پەن شىعىستا 5-15 گرادۋس ايازعا دەيىن تومەندەيدى. وڭتۇستىك وڭىرلەردە 0-5 گرادۋس ايازعا دەيىن بولجانادى.