12:59, 10 - ماۋسىم 2015 | GMT +5
ەلباسى: 21 - عاسىردا الەم جۇرتشىلىعىنىڭ 60 پايىزعا جۋىعى دىنگە مويىنۇسىنادى
استانا. قازاقپارات - XXI عاسىردا الەم جۇرتشىلىعىنىڭ 60 پايىزعا جۋىعى دىنگە مويىنۇسىنادى. بۇل تۋرالى بۇگىن الەمدىك جانە ءداستۇرلى دىندەر كوشباسشىلارىنىڭ V سەزىنىڭ جالپى وتىرىسىندا ق ر پرەزيدەنتى نۇرسۇلتان نازاربايەۆ ايتتى.
« XXIعاسىردا الەم جۇرتشىلىعىنىڭ باسىم بولىگى بارىنشا دىنگە مويىنسۇنىپ وتىر. Gallup حالىقارالىق زەرتتەۋ ورتالىعىنىڭ «ءۇمىت پەن تورىعۋدىڭ جاھاندىق بارومەترىنىڭ» سوڭعى زەرتتەۋلەرىنىڭ بىرىندە ۇسىنعان مالىمەتتەرىنە سايكەس، تۇرعىنداردىڭ جارتىسىنان كوبى، ياعني، 60 پايىزعا جۋىعى وزدەرىن ءدىني ادامدار سانايدى ەكەن. ال ءاربىر بەسىنشى ادام دىنگە مويىنۇسىنبايتىندىعىن اتاپ وتكەن»، - دەدى ەلباسى.
مەملەكەت باسشىسى ءوز سوزىندە ⅩⅩ عاسىرداعى يتالياندىق جازۋشى چەزارە پاۆەزە تەحنولوگيالىق توڭكەرىس داۋىرىندە ءدىن ىقپالىنىڭ تومەندەمەۋ سەبەبىن ناقتى اتاپ كورسەتكەنىن ەسكە سالدى.
اۆتور: مارلان جيەمباي
