ارنايى وپەراتسيا بارىسىندا 21 ادام جاراقاتتانىپ، 4 ادام قازا تاپتى
بۇل تۋرالى تاسس اگەنتتىگىنە مەديتسينا سالاسىنداعى دەرەككوز حابارلادى.
«بارلىعى 25 ادام جاپا شەكتى، تورتەۋى قازا تاپتى، 21 ادام اۋرۋحاناعا جەتكىزىلدى: ۇشەۋى اۋىر حالدە، ال 18 ءىنىڭ جاعدايى ورتاشى»، - دەدى دەرەككوز.
بەيسەنبى كۇنى تۇنگى ساعات ءبىر شاماسىندا ءۇش اۆتوموبيلگە مىنگەن بەلگىسىز ادامدار توبى گروزنىيداعى جول پاترۋلدىك قىزمەت قوسىنىنا شابۋىل جاسادى. كەيىن ولار رەسپۋبليكالىق گازەتتەر، ينتەرنەت-باسىلىمدار جانە فەدەرالدى ب ا ق وكىلدىگى ورنالاسقان باسپا ۇيىنە كىردى. گروزنىي ورتالىعىندا كونترتەررورلىق وپەراتسيا رەجىمى ەنگىزىلدى.
ۇلتتىق لاڭكەستىك ارەكەتكە قارسى كوميتەت اقپاراتىنشا، ارنايى وپەراتسيا بارىسىندا جەتى سودىر ءولتىرىلدى. شەشەنستان باسشىسى رامزان قادىروۆ ايتقانداي، بۇلار رەسپۋبليكادا ءىرى تەراكت جاساۋدى جوسپارلاعان.
سونىمەن قاتار، كۇش قۇرىلىمدارى گروزنىي ورتالىعىنداعى مەكتەپتەردىڭ بىرىندە سودىرلاردىڭ تاعى ءبىر توبىن قورشاۋعا الدى.
