10:46, 04 - قىركۇيەك 2016 | GMT +5
استانا مارافونى: ق ر پرەمەر-ءمينيسترى 21,1 شاقىرىم قاشىقتىقتى باعىندىردى
استانا. قازاقپارات - بۇگىن ەلوردادا قايىرىمدىلىق ماقساتتاعى ءىرى حالىقارالىق استانا مارافونىندا ق ر پرەمەر-ءمينيسترى كارىم ءماسىموۆ 21,1 شاقىرىم قاشىقتىقتى باعىندىردى.
اتاپ ايتقاندا، ۇكىمەت باسشىسى اتالعان قاشىقتىقتى 2 ساعاتتىڭ ىشىندە جۇگىرىپ ءوتتى. سونىمەن قاتار بۇل 21,1 شاقىرىمدىق مارافوننىڭ مارە سىزىعىنان ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن اقپارات جانە كوممۋنيكاتسيالار ءمينيسترى داۋرەن ابايەۆ تا ءوتتى.
مارە سىزىعىنان وتكەننەن كەيىن ك. ءماسىموۆ پەن شاراعا قاتىسقان ءبىرقاتار مينيسترلەر جانە ريو وليمپياداسىنىڭ جەڭىمپازدارى مەن جۇلدەگەردەرى ەستەلىك فوتوسۋرەتكە ءتۇستى.
«بارلىقتارىڭىزعا راحمەت! وسى ماڭىزدى شارامەن بارشالارىڭىزدى قۇتتىقتايمىن!»، - دەدى پرەمەر-مينيستر جينالعان جۇرتشىلىققا قاراتىپ ايتقان سوزىندە.
ايتا كەتەيىك، ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ 42,2 شاقىرىمدىق قاشىقتىققا قاتىسۋدا.
