سينگاپۋردا 20 جىلدا العاش رەت ايەل ادام ءولىم جازاسىنا كەسىلدى
بۇل - ەلدەگى سوڭعى جيىرما جىلداعى تۇتقىن ايەلدىڭ العاش رەت ءولىم جازاسىنا كەسىلۋى، دەپ حابارلايدى قازاقپارات CNN- گە سىلتەمە جاساپ.
سينگاپۋردىڭ 45 جاستاعى تۇرعىنى ساريديەۆي دجاماني جۇما كۇنى چانگي تۇرمەسىندە ءولىم جازاسىنا كەسىلدى، دەلىنگەن ورتالىق ەسىرتكىگە قارسى كۇرەس باسقارماسىنىڭ (CNB) دارعا اسىلعاننان كەيىن بىرنەشە ساعاتتان كەيىن جاريالانعان مالىمدەمەسىندە.
2018-جىلى ول 31 گرام گەروين ساقتاعانى ءۇشىن ءولىم جازاسىنا كەسىلدى. سينگاپۋر زاڭىنا سايكەس سالماعى 15 گرامنان اساتىن ەسىرتكى زاتىن ساۋدالاعانى ءۇشىن ءولىم جازاسىنا جول بەرىلەدى. ساريديەۆي 2004-جىلى 36 جاستاعى شاشتاراز يەن مەي ۆوەن - ەسىرتكى ساتقانى ءۇشىن سوتتالعاننان كەيىن سينگاپۋردا دارعا اسىلعان العاشقى ايەل.
سينگاپۋردا الەمدەگى ەڭ قاتال ەسىرتكى زاڭدارى بار. ەل بيلىگى ەسىرتكى بيزنەسىنە جۇمساقتىق تانىتپاي وتىر. بيلىك ءولىم جازاسى ەسىرتكى ساتۋشىلاردىڭ جولىن كەسۋگە جانە قوعامدىق قاۋىپسىزدىكتى ساقتاۋعا كومەكتەسەدى دەپ سانايدى.
ەلدىڭ زاڭىنا سايكەس، مەتامفەتامين، گەروين، كوكاين نەمەسە كاننابيس ونىمدەرى سياقتى بەلگىلى ءبىر مولشەردە زاڭسىز ەسىرتكىنى ساتۋ، اكەلۋ نەمەسە ەكسپورتتاۋ كەزىندە ۇستالعان كەز كەلگەن ادام ءولىم جازاسىنا كەسىلەدى.
