بايدەننىڭ 20 ميلليون ادامنىڭ كرەديتىن كەشىرۋ ارەكەتى قولداۋ تاپپاي تۇر

ءتورت اي بۇرىن امەريكا قۇراما شتاتتارىنىڭ باسشىسى ءبىلىم الامىن دەپ قارىزدانعان ەل ازاماتتارىنىڭ نەسيەسىنە 20 مىڭ دوللارعا دەيىن جەڭىلدىك جاساۋ تۋرالى شەشىم شىعارادى. ءبىراق ءبىرقاتار شتاتتىڭ سۋديالارى مەملەكەت باسشىسىنىڭ جوسپارىن زاڭسىز دەپ تانىعان.

ەندى دجو بايدەن ولاردىڭ ۇكىمىن وزگەرتۋ ءۇشىن جوعارعى سوتقا شاعىم ءتۇسىردى.

تامىز ايىندا ا ق ش پرەزيدەنتى دجو بايدەن كوۆيدكە بايلانىستى 20 ميلليون ادامنىڭ قارىزىن جەڭىلدەتۋ تۋرالى شەشىم شىعاردى. ءبىلىم الۋ ءۇشىن قارىزدانعان ستۋدەنتتىڭ جىلدىق تابىسى 125 مىڭ دوللارعا جەتپەسە جانە 250 مىڭ دوللارعا جەتەقابىل تابىسى بار ەرلى- زايىپتىلار ءۇشىن وقۋ اقىسىن جەڭىلدەتەتىنىن مالىمدەگەن بولاتىن. ءبىراق تەحاس شتاتىنىڭ وكرۋگتىك سۋدياسى مارك پيتتمان بۇعان توسقاۋىل قويدى. جۇرەك جۇتقان سۋديا ءوز شەشىمىن قاراشانىڭ 10-ى شىعارعان. ەندىگى بايدەننىڭ بار امالى جوعارى سوتتان تورەلىك سۇراۋ. ويتكەنى، رەسپۋبليكاشىل التى شتات سوتقا جۇگىنىپ، دجو بايدەن وكىلەتتىگىن اسىرا پايدالانباق دەپ شاعىم ءتۇسىردى. ولاردىڭ ءۋاجى مۇنداي قوماقتى قارىزدى كەشىرۋگە تەك كونگرەسس قۇقىلى.

كەتي، ۆاشينگتون قالاسىنىڭ تۇرعىنى:

- مىسالى، مەنىڭ اتا- انام ءالى دە ستۋدەنتتىك نەسيەلەرىن قايتارۋ ۇستىندە. وعان قوسا جىلدار بويى پايىزدىق مولشەر كوبەيدى. ياعني ولار 20 جىل بۇرىن العان اقشامەن سالىستىرعاندا قازىر الدەقايدا كوپ اقشا قارىز. مەنىڭشە بۇل ۇلكەن پروبلەما. ۇكىمەت وسىعان بايلانىستى دۇرىس ارەكەت جاساسا ەكەن دەپ تىلەيمىن. ءتىپتى بولماسا پايىزدىق مولشەرلەمەنى ازايتسا ۇلكەن كومەك بولار ەدى.

گرازەر، ستۋدەنت:

- ج و و- نىڭ باعاسى وتە قىمبات. پرەزيدەنتتىڭ وسىعان وراي ارەكەتتەنىپ، ماسەلەنى قولعا الۋى جاقسى دەپ ويلايمىن. سەبەبى ءبىز 40-50 جاسىمىزعا دەيىن سول العان ءبىلىمىمىزدىڭ اقىسىن تولەۋمەن وتەمىز. سول ءۇشىن وزىمىزگە ۇنامايتىن ءتۇرلى جۇمىسقا تۇرامىز. جاقسى جاعدايدا ءومىر سۇرە المايمىز. سوندىقتان قارىزدىڭ باعىسىن ءبىراز بولسىن تۇسىرسە جاقسى بولار ەدى.

ا ق ش پرەزيدەنتى پاندەميا كەزىندە ءبىر رەتتىك كومەك ارقىلى كەمى 20 ميلليون ادامنىڭ 400 ميلليارد دوللار قارىزىن كەشىرمەكشى. ءبىراق رەسپۋبليكاشىلدار بۇل شەشىمگە قارسى. ال دەموكراتتار پاندەميا كەزىندە رەسپۋبليكالىق پارتيانىڭ ەلدەگى ءىرى كومپانيالاردى 2 تريلليون سالىقتان بوساتقانىن العا تارتىپ وتىر. ولار وليگارحتار ەمەس، قاراپايىم حالىق بۇگىنگى جاعدايدا مەملەكەت قولداۋىنا مۇقتاج دەپ ەسەپتەيدى. قارىزىن ازايتۋ ءۇشىن 23 ميلليون ستۋدەنت ونلاين ءوتىنىش بەرىپ قويعان. ەگەر جوعارى سوت رەسپۋبليكاشىل توپتىڭ تالابىن دۇرىس دەپ تاپسا، ولار امالسىز قارىزدارىن وتەي باستايدى. ءبىراق سوت قانداي شەشىم شىعاراتىنى بەلگىسىز. تىڭداۋ كەلەر جىلى اقپان ايىنا بەلگىلەندى.

www.24.kz