پويىز بيلەتى ءبىر جىلدا 20 پايىزعا قىمباتتادى

energyprom.kz پورتالىنىڭ مالىمەتىنشە، قالاماڭى پويىز بيلەتى 16,7 پايىزعا، ال رەسپۋبليكاشىلىك پويىزدىڭ پلاسكارت ۆاگونىنا بيلەت 20,6، كۋپە ۆاگونىندا 17,8 پايىز قىمباتتادى.

وڭىرلەر اراسىندا باعانىڭ ەڭ جوعارى ءوسىمى شىمكەنت قالاسى (ءبىر جىلدا %56,3)، سونداي-اق جەتىسۋ (%45) جانە الماتى (%32,3) وبلىستارىندا تىركەلدى.

ال باعانىڭ ەڭ از ءوسىمى اقتوبە (%4,9)، باتىس قازاقستان (%6,6)، ۇلىتاۋ جانە پاۆلودار (ءارقايسىسىندا %8) وبلىستارىندا بايقالدى.

بيىل قاڭتار-قىركۇيەكتە تەمىرجول كولىگىمەن 14,7 ميلليون جولاۋشى تاسىمالداندى. بۇل وتكەن جىلمەن سالىستىرعاندا 32,6 پايىزعا ارتىق.

قىركۇيەكتە جولاۋشى تاسىمالى 1,6 ميلليون جولاۋشىنى قۇراپ، ءبىر جىل ىشىندە 32,7 پايىزعا ءوستى.

پويىز قىزمەتىن كوبىنە ەلوردا تۇرعىندارى پايدالاندى: 3,5 مىڭ ادام.

ودان كەيىنگى ورىندا اقتوبە جانە قىزىلوردا وبلىستارى تۇر. ەڭ تومەنگى كورسەتكىش باتىس قازاقستان وبلىسىندا تىركەلدى.