و س ك مۇشەلەرى ەلىمىزدىڭ 20 وڭىرىندەگى سايلاۋعا دايىندىق بارىسىن تەكسەرىپ شىعادى
بۇل تۋرالى اتالعان كوميسسيا ءتوراعاسى نۇرلان ءابدىروۆ ايتتى.
«قازىر ورتالىق سايلاۋ كوميسسياسى جانىنان ساراپشىلىق كەڭەس جۇمىسىن قايتادان جاڭعىرتىپ جاتىرمىز. ونىڭ العاشقى وتىرىسى 10- قاراشا كۇنى وتەدى. ونداعى نەگىزگى ماقساتىمىز - وسى جىلدىڭ ماۋسىم ايىندا وتكەن رەسپۋبليكالىق رەفەرەندۋمدا بايقاۋشى بولعان ە ق ى ۇ ميسسياسى ەسەبىن تالقىلاۋ. اتالعان ەسەپ جاقىندا قولىمىزعا ءتيدى»، - دەدى نۇرلان ءابدىروۆ ورتالىق سايلاۋ كوميسسياسى جانىنداعى جاس سايلاۋشىلار كلۋبىنىڭ وتىرىسىندا.
وسى ورايدا و س ك ءتوراعاسى 20- قاراشادا وتەتىن كەزەكتەن تىس پرەزيدەنت سايلاۋىنا دا ە ق ى ۇ ميسسياسىنان 30 بايقاۋشى ۇزاق مەرزىمگە كەلەتىندىگىن ايتتى. ولار سايلاۋ وتكەننەن كەيىن دە ءبىراز ۋاقىت ەلىمىزدە بولماق. مۇنان بولەك، قىسقا مەرزىمدى تاعى 300 بايقاۋشى رەسپۋبليكانىڭ بارلىق وڭىرىندە سايلاۋ ۇدەرىسىنىڭ ءوتۋ بارىسىن ءجىتى باقىلاۋدا ۇستاماق.
«سونىمەن قاتار ەرتەڭنەن باستاپ مەندە، ورتالىق سايلاۋ كوميسسيانىڭ بارلىق مۇشەسى دە 13- قاراشاعا دەيىن قازاقستاننىڭ بۇكىل 20 ءوڭىرىن ارالاپ شىعامىز. العا قويعان ماقساتىمىز - ىستەلىپ جاتقان جۇمىستاردى كوزىمىزبەن كورۋ، قاتەلىكتەر، كەمشىلىكتەر بولسا وندا ونى قولدان كەلگەنشە تۇزەتۋ. جاڭىلىسپاسام، بىزدە 10102 ۋچاسكەلىك سايلاۋ كوميسسياسى بار. جالپى، كوميسسيا اشىلىپ، جابىلىپ جاتادى. ويتكەنى، ەلىمىزدە كوشى-قون ۇدەرىسى بار. ءبىر وڭىردە سايلاۋشىلار سانى كەمىسە ۋچاسكەنى جابامىز، ال ارتىپ كەتسە اشامىز. سەبەبى زاڭعا سايكەس، بىزدە ءبىر ۋچاسكە 3 مىڭ داۋىس بەرۋشىگە ارنالعان. ودان اسپاۋى كەرەك»، - دەدى ول.
نۇرلان ءابدىروۆتىڭ ايتۋىنشا، ۋچاسكەلىك سايلاۋ كوميسسيالارى مۇشەلەرىنىڭ 99 پايىزى نەمەسە 10 مىڭنان استام ادام باسقا سالادا جۇمىس ىستەيدى. تەك ولار، سايلاۋ ناۋقانىنا عانا تارتىلادى. ولارعا نەگىزگى جۇمىس ورنىنداعى جالاقى ساقتالىپ، سايلاۋ ۇدەرىستەرىنە كوميسسيا مۇشەسى رەتىندە قاتىسقانى ءۇشىن دە ايلىق تولەنەدى. جالپى، كەزەكتەن تىس پرەزيدەنت سايلاۋىن وتكىزۋگە 20,5 ميلليارد تەڭگە قاراجات ءبولىنىپ وتىر. ءبىراق بۇل قاراجاتتىڭ 80 پايىزى ۋچاسكەلىك سايلاۋ كوميسسيالارى مۇشەلەرىنىڭ جالاقىسىنا تولەنبەك.