جىل سايىن 20 مىڭ ايەلگە قولداۋ كورسەتەمىز - ەرالى توعجانوۆ

None
None
نۇر-سۇلتان. قازاقپارات - ەلىمىزدە جىل سايىن 20 مىڭ ايەلگە كومەك پەن قولداۋ كورسەتىلەدى.

بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىن ەلوردادا جاڭادان اشىلعان «باقىتتى وتباسى» ايەلدەرگە ارنالعان ورتالىقتىڭ جۇمىسىمەن تانىستىق. ورتالىق باسشىلىعى مەن قىزمەتكەرلەرىنە العىس ايتقىم كەلەدى. بۇگىندە 1700 گە جۋىق ايەل كاسىپ مەڭگەرىپ، ونىڭ 800 ءى ەڭبەكپەن قامتىلدى. مەملەكەت باسشىسىنىڭ تاپسىرماسىنا سايكەس ءبىز حالىقتىڭ كىرىسىن كوبەيتۋگە ارنالعان باعدارلامانى ازىرلەدىك. سونىڭ اياسىندا جىل سايىن 20 مىڭ ايەلگە كومەك، قولداۋ كورسەتەتىن بولامىز»، - دەدى ەرالى توعجانوۆ ەلوردادا ايەلدەردى قولداۋعا ارنالعان ورتالىقتىڭ اشىلۋ سالتاناتىندا.

ونىڭ ايتۋىنشا، قازىرگى قوعامدا ايەل زاتىنىڭ ءرولى جىل ساناپ ارتىپ كەلەدى.

«ەلىمىزدە ءار انا بىرنەشە بالا تاربيەلەپ وتىر. بۇعان دەيىن ايتقانىمداي، ەل تاۋەلسىزدىگىنىڭ تىرەگى - انا. تاۋەلسىزدىگىمىزدى ساقتاپ، كەلەسى ۇرپاققا امانات ەتۋ - ءبىزدىڭ مىندەتىمىز. بۇل جولدا انا سۇتىمەن بەرىلەتىن قاسيەت پەن تاربيەنىڭ ءرولى ەرەكشە»، - دەيدى ول.

سونداي-اق، ۇكىمەت باسشىسىنىڭ ورىنباسارى شارا بارىسىندا سالت-ءداستۇردى ساقتاپ، قولونەر، تىگىنمەن اينالىسىپ، ۇلتتىق قۇندىلىقتاردى دارىپتەپ جۇرگەن ايەلدەرگە العىس حات تاپسىردى.

ايتا كەتەيىك، بۇگىن نۇر-سۇلتاندا ايەلدەردى قولداۋعا ارنالعان «باقىتتى وتباسى» ورتالىعى اشىلدى.

سوڭعى جاڭالىقتار