قاراعاندى وبلىسىندا توبەلەستەن كەيىن 20 جاستاعى جىگىت وزىنە قول جۇمسادى
مارقۇمنىڭ تۋىستارى ءىستىڭ ءادىل قارالۋىن تالاپ ەتىپ، جىگىتتىڭ وزىنە- ءوزى قول جۇمساۋىنا سەبەپكەر بولعان كىنالىلەردى جازالاۋدى سۇراپ وتىر، دەپ حابارلايدى قازاقپارات ءتىلشىسى.
جەلىدە 20 جاستاعى جىگىتتىڭ ءوز- وزىنە قول جۇمساعانى تۋرالى حابارلاما پايدا بولدى. قايعىلى وقيعا 11 - قىركۇيەكتە بولعان. كەشكە دوستارىمەن بىرگە جۇرگەندە، ول باسقا توپتىڭ جىگىتىمەن جانجالداسىپ، ءبىراز سويلەسكەن سوڭ تاراپ كەتكەن. الايدا، بۇل جاعداي قارسىلاستىڭ دوستارىنا ۇناماي، ولار الىشەردى قۋىپ جەتىپ، جابىلىپ اياۋسىز ۇرىپ تاستاعان. قازىر جىگىتتىڭ تۋىستارى مەن جاقىندارى ادىلەتتىلىكتى تالاپ ەتەدى جانە ۇلىن اياۋسىز ۇرعاندارعا قاتىستى ءتيىستى جازا قولدانعانىن قالايدى. تۋىستارىنىڭ ايتۋىنشا، ءدال وسى وقيعا الىشەردىڭ سۋيتسيدكە بارۋىنا سەبەپ بولعان.
«الىشەرىمىزدىڭ وزىنە ءوزى قول جۇمساۋىنا قاتىگەز جابىرلەۋشىلەر سەبەپكەر بولدى. ول مىقتى ادام بولعان جانە ءبىز ونىڭ ءومىر سۇرگىسى كەلمەيتىنىن ەشقاشان ەستىگەن ەمەسپىز»، - دەلىنگەن حابارلامادا.
مارقۇمنىڭ تۋعاندارىنىڭ ايتۋىنشا، ولار وسى فاكتى بويىنشا اباي قالاسىنىڭ پوليتسيا بولىمىنە جۇگىنگەن.
«سول كۇنى اتالعان فاكت بويىنشا ق ر ق ك 105-بابى 1-بولىگى بويىنشا قىلمىستىق ءىس تىركەلدى. ول بويىنشا ءتيىستى ساراپتامالار تاعايىندالدى. قازىرگى ۋاقىتتا تەرگەۋ ءجۇرىپ جاتىر»، - دەدى قاراعاندى وبلىسى پ د باسپا ءسوز قىزمەتى.
اۆتور: اگاتا مۋحامەدجانوۆا