زەينەتاقىنى پايدالانۋ: 20 مىڭ ءوتىنىم بەرۋشى باسپانانى يپوتەكاسىز ساتىپ الا الادى
ءلاززات يبراگيموۆا زەينەتاقىنىڭ ءبىر بولىگىن پايدالانۋ ارقىلى الىناتىن ءۇيدىڭ باعاسى، ءداستۇرلى جولمەن ساتىپ الىنعان باسپاناعا قاراعاندا قىمباتىراق بولاتىنى تۋرالى اقپاراتقا جاۋاپ بەردى.
«ارينە، مۇندايدى ءبىز قولدامايمىز. الەۋمەتتىك جەلىلەر ارقىلى كوپ اقپارات تاراتتىم. اقىلعا شاقىردىم. ءبىز بۇگىنگە دەيىن جۇمىستى اياقتاعان 80 مىڭ ءوتىنىمنىڭ ىشىندە 40 پايىزىندا ازاماتتار قارىزىن جاپتى. ياعني 30 مىڭ قارىز الۋشى بەرەشەگىن جابۋ ءۇشىن زەينەتاقىنىڭ ءبىر بولىگىن پايدالانىپ ۇلگەردى»، - دەدى ءلاززات يبراگيموۆا BaigeNews.kz پورتالىنىڭ YouTube-ارناسىنداعى سۇحباتىندا.
كليەنتتەر يپوتەكالىق قارىزدارىنىڭ 50 پايىزىن كوممەرتسيالىق بانكتەردە جاپسا، قالعانى «وتباسى بانكتەگى» بەرەشەگىنەن قۇتىلعان.
«ءبىر قىزىعى، ءبارى دە يپوتەكالىق ءوتىنىم وراسان زور دەڭگەيدە كوبەيىپ كەتەدى دەپ ويلاسا كەرەك. الايدا، شىنتۋايتىندا، 20 مىڭ ءوتىنىمنىڭ يەسى زەينەتاقىنىڭ ءبىر بولىگىن پايدالانىپ، ءۇيدى تىكەلەي ساتىپ الا الادى. بۇل دەگەنىڭىز ازاماتتاردىڭ ءبىرازىندا يپوتەكانى پايدالانباي- اق ءۇي الۋعا مۇمكىندىگى بولعانىن بىلدىرەدى. ءبىز زەينەتاقىنىڭ شەكتى سومادان ارتىلعان بولىگىن قولما- قول اقشاسىز، ساتۋشىعا نەمەسە قۇرىلىس كومپانياسىنا جولدايمىز»، - دەدى ول.
