قازگيدرومەت: 20-شىلدەدە ەل اۋماعىنىڭ باسىم بولىگىندە اپتاپ ىستىق ساقتالادى
قوستاناي، كۇندىز اقمولا، سولتۇستىك قازاقستان وبلىستارىنىڭ كەي جەرلەرىندە كۇن كۇركىرەيدى، جەل 15-20 م/س كۇشەيەدى، بۇرشاق جاۋۋى ىقتيمال.
الماتى، اقتوبە، كۇندىز شىعىس قازاقستان وبلىستارىنىڭ كەي جەرلەرىندە كۇن كۇركىرەيدى، جەلدىڭ جىلدامدىعى 15-20 م/س جەتەدى.
قاراعاندى وبلىسىنىڭ كەي جەرلەرىندە نايزاعاي ويناپ، داۋىل كۇتىلەدى، بۇرشاق جاۋۋى ىقتيمال، كۇندىز كەي جەرلەرىندە جەل 15-20، ەكپىنى 23 م/س. پاۆلودار وبلىسىنىڭ كۇندىز سولتۇستىگىندە نايزاعاي كۇتىلەدى، جەل 18 م/س كۇشەيەدى، بۇرشاق جاۋۋى ىقتيمال.
جامبىل وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى، كۇندىز كەي جەرلەرىندە كۇن كۇركىرەپ، داۋىل تۇرۋى مۇمكىن.
تۇركىستان وبلىسىنىڭ كۇندىز كەي جەرلەرىندە نايزاعاي، شاڭدى داۋىل كۇتىلەدى، جەل 15-20 م/س كۇشەيەدى.
قىزىلوردا وبلىسىنىڭ كەي جەرلەرىندە جەل تۇرىپ، جىلدامدىعى 15-20 م/س جەتەدى. كۇندىز اقمولا، قوستاناي، الماتى، جامبىل، تۇركىستان، قىزىلوردا، شىعىس قازاقستان وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق ساقتالادى.
اتىراۋ، باتىس قازاقستان، اقتوبە، ماڭعىستاۋ وبلىسىندا اپتاپ ىستىق جالعاسادى.
اتىراۋ، اقتوبە، قىزىلوردا وبلىستارىندا، باتىس قازاقستان، جامبىل وبلىستارىنىڭ باسىم بولىگىندە، تۇركىستان، قاراعاندى وبلىستارىنىڭ كەي جەرلەرىندە، الماتى وبلىسىنىڭ باتىسىندا جوعارى ءورت قاۋپى ساقتالادى.
