د د س ۇ: ەۋروپادا كۇنىنە 20 مىڭ ادام كوروناۆيرۋس جۇقتىرادى
اگەنتتىكتىڭ حابارلاۋىنشا، ەۋروپادا كۇنىنە كوروناۆيرۋس جۇقتىرۋدىڭ 20 مىڭ جاعداي تىركەلىپ وتىر. سونداي-اق كۇنىنە وسى ىندەتتەن 700 ادام قايتىس بولادى. ۆيرۋس جۇقتىرعاندار سانىنىڭ ءوسۋى سوڭعى بىرنەشە ايدا بايقالعان.
بۇل تۋرالى بەيسەنبى كۇنى دۇنيەجۇزلىك دەنساۋلىق ساقتاۋ ۇيىمىنىڭ ەۋروپالىق وڭىرلىك بيۋروسىنىڭ ديرەكتورى حانس كليۋگە كوپەنگاگەندە وتكەن بريفينگتە مالىمدەگەن.
«ءبىراز ۋاقىت بۇرىن ەۋروپا وڭىرىندە جىل باسىمەن سالىستىرعاندا اۋرۋ جۇقتىرۋ جاعدايلارى ۇلەسىنىڭ ازايعانى تۋرالى حابارلانعان ەدى. سوعان قاراماستان وڭىردە كۇن سايىن 20000 عا جۋىق كوروناۆيرۋس جۇقتىرۋ جاعدايى تىركەلىپ، وسى ىندەتتىڭ سالدارىنان قايتىس بولعاندار سانى كۇنىنە 700 ادامدى قۇراعان. وتكەن اپتادا ەۋروپادا بىرنەشە ايدان بەرى العاش رەت اپتا سايىنعى اۋرۋ جۇقتىرۋ جاعدايلارى سانىنىڭ ءوسۋى بايقالدى»، - دەپ اتاپ ءوتتى كليۋگە.
ول كوروناۆيرۋس جۇقتىرعان جاڭا جاعدايلار سانى سوڭعى ەكى اپتادا 30 ەلدە ارتقانىن ايتتى. ولاردىڭ 11 ىندە اۋرۋدىڭ كۇرت ءوسۋى بايقالعان.
سونىمەن قاتار پولشا، گەرمانيا، يسپانيا جانە يزرايلدە بيلىك COVID-19 جۇقتىرعان جاڭا جاعدايلاردىڭ كوبەيۋىنە دەن قويىپ، جىلدام ارەكەت ەتتى.