سولتۇستىكتە - ۇسىك، باتىستا - اپتاپ ىستىق: 20- ماۋسىمعا ارنالعان اۋا رايى
قازاقستان رەسپۋبليكاسىنىڭ باسىم بولىگىنە سولتۇستىك-باتىس انتيتسيكلونى اسەر ەتەدى. سونىڭ سالدارىنان جاۋىن-شاشىن بولمايدى. تەك ەلىمىزدىڭ شىعىس جارتىسىندا اتموسفەرالىق فرونتتاردىڭ اسەرىنەن نايزاعاي جارقىلداپ، جاڭبىر جاۋادى. وڭتۇستىك-شىعىستا جانە شىعىستا بۇرشاق جاۋۋى ىقتيمال.
كۇندىز شىعىستا قاتتى جاڭبىر جاۋادى. كەي جەرلەردە جەل كۇشەيىپ، وڭتۇستىك-باتىستا جانە وڭتۇستىكتە شاڭدى داۋىل ساقتالادى.
سولتۇستىك-باتىس، سولتۇستىك جانە ورتالىق ايماقتاردا تۇمان تۇسەدى.
شىعىس قازاقستان وبلىسىنىڭ كەي جەرلەرىندە داۋىل كۇتىلەدى، جەل ەكپىنى 25 م/س كۇشەيەدى.
بۇرشاق جاۋۋى ىقتيمال. قوستاناي، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە جەل 15-20 م/س دەيىن كۇشەيىپ، تۇندە جانە كۇندىز تۇمان تۇسەدى.
تۇركىستان، قىزىلوردا، ماڭعىستاۋ وبلىستارىنىڭ كەي جەرلەرىندە جەل تۇرىپ، شاڭدى داۋىل سوعادى. جەل قارقىنى - 15-23 م/س. جامبىل وبلىسىنىڭ كەي جەرلەرىندە جەل 15-20 م/س كۇشەيىپ، بۇرشاق جاۋادى.
اقمولا وبلىسىندا تۇندە جانە تاڭەرتەڭ تۇمان تۇسەدى. تۇندە اقمولا، سولتۇستىك قازاقستان وبلىستارىنىڭ كەي جەرلەرىندە 2 گرادۋس ۇسىك جۇرەدى. كۇندىز اتىراۋ، باتىس قازاقستان، ماڭعىستاۋ وبلىستارىنىڭ كەي جەرلەرىندە اپتاپ ىستىق ساقتالادى.
اتىراۋ، قىزىلوردا وبلىستارىندا، اقتوبە، قوستاناي، اقمولا، قاراعاندى، تۇركىستان، جامبىل وبلىستارىنىڭ باسىم بولىگىندە، الماتى وبلىسىنىڭ كەي جەرلەرىندە، باتىس قازاقستان وبلىسىندا وتە جوعارى ءورت قاۋپى ساقتالادى.