الاكولدە قۇنى 20 ميلليارد تەڭگەنى قۇرايتىن التى جوبا ىسكە اسادى - اكىم

وسكەمەن. قازاقپارات - شىعىس قازاقستان وبلىسى ءۇرجار اۋدانىنداعى الاكول دەمالىس ورنىندا 6 ءىرى جوبا ىسكە اسىرىلماق، دەپ حابارلايدى قازاقپارات ءتىلشىسى.

بۇل جايلى ش ق و اكىمى دانيال احمەتوۆ تۇرعىندار الدىنداعى ەسەپ بەرۋ كەزدەسۋىندە ايتتى.

«سوڭعى ءۇش جىلدا الاكول جاعالاۋىن اباتتاندىرۋعا جانە جول جوندەۋگە وبلىستىق بيۋدجەتتەن 6,3 ميلليارد تەڭگە بولىنگەن. ەندى الداعى 4 جىلدا 20 ميلليارد تەڭگەگە تاعى التى ءىرى ينفراقۇرىلىمدىق جوبانى ىسكە اسىرۋ جوسپارلانىپ وتىر. ءبىزدىڭ ماقسات - بۇل دەمالىس ورنىنا كەلەتىن تۋريستتەردىڭ سانىن 1 ميلليونعا جەتكىزۋ»، - دەدى ايماق باسشىسى.

ونىڭ ايتۋىنشا، بيىل ءۇرجار اۋدانى ورتالىعىنداعى اۋەجايدىڭ ۇشۋ- قونۋ جولاعى قايتا جاڭارتىلادى. سونىمەن قاتار الاكول جاعالاۋىنا سۋ قۇبىرى جۇيەسى مەن ەلەكتر جەلىلەرى تارتىلماق.

اۆتور: تالعاتجان مۇحامەتبەك ۇلى