17:06, 14 - اقپان 2020 | GMT +6
انتاركتيكادا تەمپەراتۋرا العاش رەت 20 گرادۋستان جوعارى كوتەرىلدى
نۇر- سۇلتان. قازاقپارات - انتاركتيكادا تەمپەراتۋرا العاش رەت 20 گرادۋستان جوعارى كوتەرىلدى، دەپ حابارلايدى The Guardian برازيليالىق عالىمدارعا سىلتەمە جاساپ.
20,75 گرادۋسقا جەتكەن رەكورد 9 - اقپاندا سەيمۋر ارالىندا تىركەلگەن. باسىلىمنىڭ اتاپ وتۋىنشە، رەكورد ءۇردىستى راستاپ وتىر: سۋىق قۇرلىقتاعى جانە جاقىن ماڭداعى ارالدارداعى جىلىمىق الدەقايدا تەز بولىپ جاتىر.
ەسپەرانسا ارگەنتينالىق عىلىمي- زەرتتەۋ ستانساسى 6 - اقپاندا انتاركتيدادا مەتەوباقىلاۋ تاريحىندا العاش رەت ەڭ جوعارى تەمپەراتۋرانى تىركەدى. ول 18,3 گرادۋس نولدەن جوعارى بولعان.
