ەلوردا ماڭىنداعى 20 ەلدى مەكەندە گاز جەلىسىنىڭ قۇرىلىسى باستالدى
بۇل تۋرالى بۇگىن اقمولا وبلىسىنىڭ اكىمى ەرمەك مارجىقپايەۆ «2019 -جىلدىڭ الەۋمەتتىك- ەكونوميكالىق دامۋ قورىتىندىسى جانە 2020 -جىلدىڭ نەگىزگى مىندەتتەرى تۋرالى» حالىق الدىنداعى ەسەپ بەرۋ كەزدەسۋىندە ايتتى، دەپ حابارلادى قازاقپارات.
كەزدەسۋدە ايماق باسشىسى وڭىردە گاز تارتۋ جانە جىلۋمەن جابدىقتاۋدى جاڭعىرتۋ ماسەلەلەرىنە توقتالدى. قىزىلوردا - نۇر- سۇلتان باعىتى بويىنشا «سارى- ارقا» ماگيسترالدى گاز قۇبىرى قۇرىلىسىنىڭ ءبىرىنشى كەزەڭى شەڭبەرىندە ەلوردانىڭ ىرگەسىندەگى ارشالى جانە سەلينوگراد اۋداندارىنداعى 20 ەلدى مەكەندە گاز تاراتۋ جەلىسىنىڭ قۇرىلىسى باستالدى. جوبا جۇزەگە اسىرىلعان كەزدە 50 مىڭ ادام كوگىلدىر وتىنعا قول جەتكىزەدى. «بۇگىنگى كۇنى 9 جوبا بويىنشا مەملەكەتتىك ساراپتاما الىنسا، 4 جوبانىڭ ساراپتاماسى وسى اقپان ايىندا دايىن بولادى»، - دەدى ە. مارجىقپايەۆ.
www.24.kz
