تالعاردا 20 كوپبالالى وتباسى باسپانالى بولدى

وبىلىستا تۇرعىن ۇيگە مۇقتاج، تۇرمىسى تومەن 20 كوپبالالى وتباسىن باسپانامەن قامتاماسىز ەتۋ ءۇشىن 243,9 ميلليون تەڭگە قاراجات بولىنگەن. وسى ماقساتتا كاسىپكەرلىك سۋبەكتىسىنە جاتپايتىن جەكە تۇلعالاردان 20 تۇرعىن ءۇي ساتىپ الىنعان. جاڭا باسپانالار تالعار اۋدانىنىڭ تالعار قالاسى مەن تالدىبۇلاق، كەڭدالا، رىسقۋلوۆ اۋىلدارىندا ورنالاسقان. جالپى اۋدانى - 58,1 شارشى مەتردەن 120,0 شارشى مەتردى قۇرايدى. ساتىپ الىنعان تۇرعىن ۇيلەردىڭ – 4 ءى كوپقاباتتى تۇرعىن ۇيدە ورنالاسقان پاتەرلەر، 16 سى جەر ۇيلەر.

تالعار اۋدانى اكىمىنىڭ باسپا ءسوز قىزمەتىنىڭ مالىمەتىنشە، جاڭا قونىس «تۇرعىن ءۇي قاتىناستارى تۋرالى» قازاقستان رەسپۋبليكاسىنىڭ زاڭىنا سايكەس كەزەكتە تۇرعان تۇرمىسى تومەن كوپبالالى وتباسىلارعا بەرىلدى.