قازاقپارات كۇنتىزبەسى: 20- جەلتوقسان
20- جەلتوقسان. جۇما.
ادامدار ىنتىماقتاستىعىنىڭ حالىقارالىق كۇنى
كەدەيشىلىكتى جويۋمەن كۇرەس جونىندەگى ب ۇ ۇ- نىڭ ءبىرىنشى ونجىلدىعى شەڭبەرىندە 2005-جىلعى جەلتوقساننىڭ 22 ىندە باس اسسامبلەيا جىل سايىن «20- جەلتوقسان - ادامدار ىنتىماقتاستىعىنىڭ حالىقارالىق كۇنى» دەپ شەشىم شىعاردى. بۇل شەشىمدى قابىلداۋ كەزىندە باس اسسامبلەيا مىڭجىلدىقتار دەكلاراتسياسىندا ىنتىماقتاستىق XXI عاسىرداعى حالىقارالىق قاتىناستار نەگىزى بولىپ تابىلاتىن تۇپكىلىكتى جانە سالالى قۇندىلىق دەپ تانىلعانىن ەسكە سالدى.
قازاقستان رەسپۋبليكاسى مەملەكەتتىك فەلدەگەر قىزمەتى كۇنى
قازاقستان مەملەكەتتىك فەلدەگەر قىزمەتى 1991-جىلى جەلتوقساننىڭ سوڭىندا قازاقستان رەسپۋبليكاسى مينيسترلەر كابينەتىنىڭ قاۋلىسىمەن قۇرىلدى. ول جوعارى مەملەكەتتىك بيلىك ورگاندارى مەن مەملەكەتتىك باسقارۋ، ۇكىمەتتىك مەكەمەلەر مەن جوعارى اسكەري قولباسشىلىق اراسىنداعى فەلدەگەرلىك بايلانىستى قامتاماسىز ەتەدى. وسى قىزمەتتىڭ قىزمەتكەرلەرى ماڭىزدى قۇپيا قۇجاتتاردى جوعارى مەملەكەتتىك بيلىك ورگاندارىنا جەتكىزۋمەن اينالىسادى.
ەستە قالار وقيعالار
1928-جىلى قازاق ك س ر ورتالىق اتقارۋ كوميتەتى لاتىن الىپبيىنە كوشۋ تۋرالى قاۋلى قابىلدادى.
1954-جىلى قازاق ك س ر جوعارى كەڭەسى پرەزيديۋمىنىڭ جارلىعىمەن ۇلكەن جەزقازعان جۇمىسشى كەنتى جەزقازعان قالاسى بولىپ اۋىستىرىلدى.
1970-جىلى سۇلتان قوجىقوۆتىڭ قازاقتىڭ ۇلتتىق كينەماتوگرافياسى التىن قورىنىڭ مۇراسىنا اينالعان ايگىلى كينوتۋىندىسى «قىز جىبەك» ەكرانعا شىقتى. فيلم كەزىندە ءبىر-بىرىمەن جاۋلاسقان قازاق تايپالارىنان شىققان جىگىت پەن قىزدىڭ تراگەديالىق ماحابباتى جونىندەگى قازاق حالىق ەپوسىنا نەگىزدەلگەن. تۋىندى كوپشىلىك قاۋىمنىڭ كوزايىمى، ناعىز حالىق كينوسىنا اينالدى جانە الەمنىڭ 70 تەن استام ەلىندە كورسەتىلدى. تۋىندىنىڭ باستى رولدەرىندەگى تولەگەن مەن قىز جىبەكتىڭ رولدەرى سول ۋاقىتتا نەبارى 17 گە تولعان جاس اكتەرلەر قۇمان تاستانبەكوۆ پەن مەرۋەرت وتەكەشوۆاعا بۇيىردى. فيلم جاركەنتتە ءتۇسىرىلدى. قازاقتىڭ ەڭ تانىمال فيلمدەرىنىڭ ءبىرىن شىعارعانى ءۇشىن رەجيسسەر سۇلتان قوجىقوۆ قازاق ك س ر- ءنىڭ مەملەكەتتىك سىيلىعىن يەلەندى. ۇزدىك كينوتۋىندىنىڭ سەناريىن جازعان عابيت مۇسىرەپوۆ بولاتىن.
1991-جىلى قازاقستان رەسپۋبليكاسىنىڭ «قازاقستان رەسپۋبليكاسىنىڭ ازاماتتىعى تۋرالى» زاڭى قابىلداندى.
2010-جىلى كورول فاحد اتىنداعى قۇران باسىپ شىعارۋ باسپا استاناعا باسپا كارىس، گرەك، نەمىس جانە بولگار تىلدەرىنە اۋدارىلعان قۇراننىڭ دانالارىن بەرۋ جونىندە شەشىم قابىلدادى. قازاقستاننىڭ يسلام كونفەرەنتسياسى ۇيىمىنا ءتوراعالىق ەتۋ جىلىندا ساۋد تاراپى قازاقستان مۇسىلماندارىنىڭ ءدىني باسقارماسىنا قازاق، ورىس، ۇيعىر، تۇرىك، ازەربايجان جانە قىرعىز تىلدەرىندەگى ماعىنالىق اۋدارمالارىمەن قۇراننىڭ جۇزدەگەن كىتابىن سىيعا تارتتى.
2010-جىلى قازاقستاندا تەستىلىك رەجيمدە سپۋتنيكتىك حابار تاراتۋ ىسكە قوسىلدى.
2011-جىلى استانا قالاسىنىڭ اكىمدىگى EFQM سەرتيفيكاتىنا يە بولعان قازاقستاندىق بىردەن ءبىر مەملەكەتتىك ورگان بولدى. جەتىستىكتى مويىنداۋ سالاسىنداعى EFQM سەرتيفيكاتى قازاقستان ەلورداسى اكىمشىلىگىنىڭ ءوز قىزمەتىندە ەۋروپادا تارالعان باسقارۋ ساپاسىنىڭ ستاندارتتارىنا سايكەس بولۋعا ۇمتىلاتىندىعىن دالەلدەيدى.
2012-جىلى ق ر ادىلەت مينيسترلىگى قازاقستاننىڭ ۇلتتىق زاڭناماسىمەن ونلاين رەجىمدە جۇمىس ىستەۋگە مۇمكىندىك بەرەتىن قوعامدىق ماڭىزى زور جوبا «ادىلەت» اقپاراتتىق-قۇقىقتىق جۇيەسىن ۇسىندى. «ادىلەت» اقپاراتتىق-قۇقىقتىق جۇيەسى - ىزدەستىرۋ مۇمكىندىكتەرى مەن ىڭعايلى زاماناۋي ينتەرفەيسى بار تەحنولوگيالىق كەشەن.
2012-جىلى «مەلومان GRAND» دۇكەنىندە قازاقستان ەسكەرتكىشتەرى مەن تاريح، مادەنيەت جانە گەوگرافيا كورنەكتى ورىندارىنىڭ «التايدان كاسپيگە دەيىن» اتلاسى تانىستىرىلدى.
2013-جىلى بريۋسسەلدە ەۋروپا كەڭەسىنىڭ وكىلدىگىندە قازاقستان رەسپۋبليكاسى مەن ەۋروپا كەڭەسى اراسىنداعى ىنتىماقتاستىقتى كەڭەيتۋ تۋرالى بىرلەسكەن دەكلاراتسياعا قول قويۋ ءراسىمى ءوتتى.
2013-جىلى الماتى مەتروسى ساپانى زەرتتەۋدىڭ ەۋروپالىق قوعامى (ESQR) نۇسقاسى بويىنشا ۇزدىك دەپ تانىلدى. «پلاتينا» («Platinum» ) جىكتەلىمىندە كۋبوك «ساپانى ۇزدىك تاجىريبەلىك قولدانۋدىڭ ەۋروپالىق ماراپاتى» اتالىمى بويىنشا ديپلوم ۆەنادا تابىستالدى.
2016-جىلى ق ر ۇلتتىق بانكى 100 تەڭگەلىك «مونەتا - سىيلىققا» سەرياسىنان «تۋعان كۇنىڭمەن»، 500 تەڭگەلىك «جۇرەكتەن جۇرەككە» سەرياسىنان «ماحاببات» جانە 50 تەڭگەلىك «قازاقستان قالالارى» سەرياسىنان «پەتروپاۆل» ەسكەرتكىش كۇمىس مونەتالارىن قولدانىسقا ەنگىزدى.
2018-جىلى «الاش وردا: قازاق مەملەكەتتىلىگىنىڭ قۇرىلىمىنداعى ماڭىزى مەن تاريحى» اتتى عىلىمي ماقالالار جيناق-كىتابى ازەربايجان تىلىندە جارىق كوردى. «الاش» پارتياسى ءوز نيەتتەستەرىن تارتا بىلگەن، الاش زيالىلارى ۇلتتىق مەملەكەتتىلىكتى قالىپتاستىرۋدا زور ەڭبەك سىڭىرگەن. الاشتىڭ باعدارلامالىق ماقساتتارى ەركىن ءارى تاۋەلسىز مەملەكەت قۇرۋ تۋراسىنداعى قازاق حالقىنىڭ باياعىدان بەرگى ارمانىمەن ۇشتاسقانى ايقىن.
2018-جىلى يوردانيا استاناسى كوشەلەرىنىڭ بىرىنە قازاقستاننىڭ ەلورداسى - استانا اتاۋى بەرىلدى. بۇل ەكى ەل اراسىنداعى دوستىق پەن جەمىستى ىنتىماقتاستىقتى بەينەلەيدى. كوشەنى اشۋ سالتاناتىنا قازاقستان استاناسىنىڭ اكىمى باقىت سۇلتانوۆ پەن يوردانيانىڭ باس قالاسى امماننىڭ مەرى يۋسۋف ءال-شاۋاريبا قاتىستى.
