الماتىدا وتەتىن «الەم بارىسى» چەمپيوناتىنىڭ جۇلدە قورى 20 ميلليون تەڭگەنى قۇرايدى
چەمپيونات قازاقستاننىڭ تاريحي جانە مادەني مۇراسىن دامىتۋ، شەت ەلدەردە قازاق كۇرەسىن دامىتۋ بارىسىنداعى ىنتىماقتاستىق پەن ءوزارا بايلانىسىن نىعايتۋ، قازاق كۇرەسىن حالىقارالىق دەڭگەيدە ودان ءارى جەتىلدىرۋ، ناسيحاتتاۋ جانە بەدەلىن كوتەرۋ، قازاق كۇرەسىنەن «الەم بارىسىن» انىقتاۋ ماقساتىندا جۇزەگە اسىرادى.
ءتورتىنشى رەت وتەتىن باسەكەگە 30 ەلدەن 33 بالۋان قاتىسادى. «الەم بارىسى» اتانۋعا ا ق ش، اۆستراليا، ازەربايجان، برازيليا، گرەكيا، گرۋزيا، ءۇندىستان، يران، يسپانيا، يتاليا، كامەرۋن، كونگو، كورەيا، كۋبا، قىرعىزستان، ليتۆا، موڭعوليا، نيدەرلاندى، پاكىستان، پولشا، رەسەي، سلوۆەنيا، تاجىكستان، تۇركىمەنستان، تۇركيا، وزبەكستان، ۋكراينا، ەستونيا، ياپونيا سەكىلدى ەلدەردىڭ جانە قازاقستاننىڭ اتاقتى بالۋاندارى قاتىسادى.
بۇل سىندا ەلىمىزدىڭ نامىسىن ا. نۇعىماروۆ (ش ق و)، ر. ءابدىرازاقوۆ (الماتى قالاسى)، ا. سەيتەن (نۇر-سۇلتان قالاسى)، ن. جارىلعاپوۆ (ماڭعىستاۋ وبلىسى) سىندى بالۋاندار قورعايدى.
«الەم بارىسى» چەمپيوناتى 2 -جەلتوقساندا 13:00 دە بالۋانداردىڭ جەرەبە تارتۋ راسىمىنەن باستالماق. شارا اياسىندا كورەرمەندەرگە سپورتتىق سايىستارمەن قاتار قازاقستاندىق ەسترادا جۇلدىزدارىنىڭ قاتىسۋىمەن كونتسەرتتىك باعدارلاما ۇسىنىلادى.
«الەم بارىسى» چەمپيوناتىنىڭ بيىلعى جۇلدە قورى 20 ميلليون تەڭگەنى قۇرايدى. جەڭىمپاز اتانعان بالۋانعا 10 ميلليون تەڭگە جانە التىن بەلبەۋ، ەكىنشى ورىن يەگەرىنە 6 ميلليون تەڭگە جانە ءۇشىنشى ورىن يەگەرىنە 3 ميلليون تەڭگە، سايكەسىنشە كۇمىس جانە قولا بەلبەۋلەرمەن ماراپاتتالادى. ال، «كورەرمەن كوزايىمى» اتانعان سپورتشىعا 1 ميلليون تەڭگە بەرىلەدى.
سونداي-اق، جىلداعى داستۇرگە ساي جانكۇيەرلەر اراسىندا اۆتوكولىك ويناتىلادى. بيلەتتەر zakazbiletov.kz سايتىندا ساتىلۋدا. باعاسى 500 تەڭگە مەن 2000 تەڭگە ارالىعىندا.
چەمپيوناتتى الماتى قالاسى اكىمدىگىنىڭ قولداۋىمەن، ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى، ق ر قازاق كۇرەسى فەدەراتسياسى جانە «Qazaqstan Barysy» قازاق كۇرەسىن دامىتۋ جانە قولداۋ قورى ۇيىمداستىرۋدا. سونىمەن قاتار، «قازاقتەلەكوم» اق، «ORDA- INVEST» كورپوراتسياسى جانە «ءساتتى جۇلدىز» ا ق دەمەۋشىلىك جاسايدى.
