اتىراۋداعى شەتەلدىك جوعارى وقۋ ورىندارى كورمەسىندە تۇلەكتەرگە 20 مىڭ گرانت ۇسىنىلادى

اتىراۋ. قازاقپارات - بيىل ەكى اتىراۋلىق ج و و مەن 15 كوللەدج تۇلەكتەرى، سونداي- اق 5230 تالاپكەردىڭ شەتەلدە تەگىن ءبىلىم الۋ مۇمكىندىگى پايدا بولادى.

مۇنداي مۇمكىندىك اتىراۋ وبلىسى اكىمدىگى مەن «حالىقارالىق باعدارلامالار ورتالىعى» ا ق- نىڭ بىرلەسىپ كۇش سالۋىنىڭ ارقاسىندا ىسكە اسپاق،  دەپ حابارلايدى قازاقپارات ءتىلشىسى.

12-13 - قاراشادا اتىراۋداعى رەنەسانس قوناق ۇيىندە «International Education Fair» شەتەلدىك جوعارى وقۋ ورىندارىنىڭ ءىرى كورمەسى وتەدى. ۇيىمداستىرۋشىلار اتىراۋعا قازاقستاندىقتاردىڭ شەتەلدە تەگىن ءبىلىم الۋ ءۇشىن 20 مىڭداي تەگىن ءبىلىم بەرۋ گرانتتارىن اكەلۋدى جوسپارلاپ وتىر.

مۇنايلى استاناعا الەمنىڭ 40 ەلىنەن 200 ۋنيۆەرسيتەتتىڭ وكىلدەرى - «حالىقارالىق باعدارلامالار ورتالىعى» ا ق- نىڭ سەرىكتەستەرى كەلەدى. قوناقتار قازاقستاننىڭ تەك 4 قالاسىنا: استانا، الماتى، شىمكەنت جانە اتىراۋعا كەلەدى دەپ جوسپارلانۋدا.

«ەكى كۇن بويىنا اتىراۋ وبلىسى تۇرعىندارىنىڭ شەتەلدىك جوعارى وقۋ ورىندارىنىڭ وكىلدەرىمەن تىكەلەي سويلەسۋگە، شەتەلدە تەگىن ءبىلىم الۋ تۋرالى كوبىرەك بىلۋگە، سونداي- اق ءبىلىم بەرۋ سالاسىنداعى ماسەلەلەر بويىنشا كاسىبي كەڭەس الۋعا بىرەگەي مۇمكىندىگى بولادى»، - دەدى «حالىقارالىق باعدارلامالار ورتالىعى» ا ق پرەزيدەنتى جانبولات مەلدەشوۆ.

سونىمەن قاتار، كورمە قوناقتارى ساراپشىلاردان گرانتتار مەن ستيپەنديالار تۋرالى اقپارات الادى، تەك كورمەدە قولجەتىمدى ارنايى ۇسىنىستارعا قاتىسا الادى، سونداي- اق تانىمال حالىقارالىق ەمتيحانداردى تابىستى تاپسىرۋدىڭ باستى قۇپيالارى تۋرالى بىلۋگە مۇمكىندىكتەرى بار.

«International Education Fair» حالىقارالىق ءبىلىم بەرۋ كورمەسى اتىراۋ وبلىسىنىڭ تۇلەكتەرى ءۇشىن وتە وزەكتى، ويتكەنى ءبىزدىڭ ءوڭىرىمىز وتە بەلسەندى قارقىنمەن دامىپ كەلەدى، بۇل جونىندە الەۋمەتتىك- ەكونوميكالىق دامۋ كورسەتكىشتەرى بويىنشا ايتۋعا بولادى. بۇگىندە ەڭبەك نارىعىندا شەتەل تىلدەرىن بىلەتىن جانە شەتەلدىك تاجىريبەسى بار كەڭ بەيىندى ماماندار سۇرانىسقا يە. ءوڭىردىڭ ودان ءارى وركەندەۋى ءۇشىن بىزگە مىقتى ماماندار قاجەت، سوندىقتان دا اتىراۋدا حالىقارالىق ءبىلىم كورمەسىن وتكىزۋ تۋرالى شەشىم قابىلداندى»، - دەدى اتىراۋ وبلىسى اكىمىنىڭ ورىنباسارى نۇرساۋلە سايلاۋوۆا.

قازىرگى ۋاقىتتا  100000-عا جۋىق قازاقستاندىق ستۋدەنت شەتەلدىك ۋنيۆەرسيتەتتەردە ءبىلىم الىپ جاتقانىن ەستەرىڭىزگە سالا كەتەيىك.

«جىل سايىن قازاقستاندىق مەكتەپ تۇلەكتەرىنىڭ سانى ارتىپ كەلەدى. اعىمداعى جىلى مەكتەپتەر مەن كوللەدج تۇلەكتەرىنىڭ سانى وتكەن جىلمەن سالىستىرعاندا 20 مىڭ ادامعا ءوسىپ،  297000 ادامدى قۇرادى. 2025 -جىلعا قاراي ولاردىڭ سانى  400000 ادامعا جەتەدى دەپ كۇتىلۋدە، اتىراۋ وبلىسىندا دا وتە جاقسى دەموگرافيالىق سەرپىن بايقالادى، - دەپ اتاپ ءوتتى «حالىقارالىق باعدارلامالار ورتالىعى» ا ق باسشىسى جانبولات مەلدەشوۆ.

بيىل «بولاشاق» ستيپەنديالىق باعدارلاماسى 25 جىلدىعىن اتاپ وتەدى، مەرەيتويدى مەرەكەلەۋ اياسىندا قازاقستاننىڭ 4 وڭىرىندە الەمدىك جوعارى وقۋ ورىندارىنىڭ وزىندىك سيەزدەرى وتەدى.

سونداي- اق استانادا، الماتى مەن شىمكەنتتە كورمەلەر وتكىزۋ جوسپارلانۋدا.

ەستەرىڭىزگە سالا كەتسەك، مەملەكەت باسشىسى ءوزىنىڭ قازاقستان حالقىنا جولداۋىندا ادامي كاپيتالدى دامىتۋدىڭ ەرەكشە ءرولىن اتاپ ءوتىپ، الداعى جىلدى جاستار جىلى دەپ جاريالاعان بولاتىن.

اۆتور: اباي ابىلاي ۇلى