استانانىڭ 20 جىلدىعى: جەتىسۋلىق الپينيستەر جەتى شىڭدى باعىندىردى
«جەتىسۋ» گەوگرافيالىق قاۋىمداستىعىنىڭ مۇشەلەرى جاز ايلارىندا الماتى وبلىسى اۋماعىنداعى تاۋلارعا كوتەرىلىپ، جەتىستىكتەرىن استانانىڭ مەرەيتويىنا ارنادى. ەڭ بيىك شىڭ 7 مىڭ مەترلىك حان ءتاڭىرى بولسا، ەڭ الاساسى 1500 مەترلىك تەكەلى تاۋى. سونداي-اق الپينيستەر لاباسى، فۋرمانوۆ، پانوراما، باشۋتا جانە تۋريست سىندى شىڭدارعا شىعىپ قايتتى.
قاۋىمداستىق جەتەكشىسى ءانۋار دەمەگەنوۆتىڭ ايتۋىنشا، شىڭداردى باعىندىرۋداعى باستى ماقسات تاۋ تۋريزمىن دامىتۋ. جاستار اراسىندا سالاۋاتتى ءومىر سالتىن قالىپتاستىرىپ، الپينيزمگە قىزىعۋشىلىقتارىن وياتۋ. سونداي-اق ءوڭىردىڭ گەوگرافياسىن، تاريحىن، ەتنوگرافياسىن زەرتتەپ، قورجىنىمىزدى تىڭ اقپاراتتارمەن تولىقتىرۋ.
انۋار دەمەگەنوۆتىڭ ايتۋىنشا، قازىرگى تاڭدا «جەتىسۋ» گەوگرافيالىق قاۋىمداستىق قۇرامىنا 12 ادام عانا مۇشە. الداعى ۋاقىتتا قاۋىمداستىق قۇرامىن ۇلعايتىپ، كەلەسى جىلى جاڭا باعىتتار اشىپ، جاڭا بەلەستەردى باعىندىرماق.
