ۇشاق قۇلاپ، 20 دان استام ادام قازا تاپتى
وڭتۇستىك سۋدان اقپارات ءمينيسترى تابان ابەل اگەكتىڭ مالىمدەۋىنشە، ۇشاق كولگە قۇلاعان. سالدارىنان كەم دەگەندە 20 ادام وپات بولدى. «كەم دەگەندە 20 ادام قازا تاۋىپ، ءۇش ادام امان قالدى»، - دەدى ول.
امان قالعانداردىڭ ءبىرى - يتاليالىق دارىگەردىڭ جاعدايى اۋىر. قازىر وعان يرولداعى اۋرۋحانادا وتا جاسالۋدا.
وقيعاعا كۋا بولعانداردىڭ ايتۋىنشا، قازا تاپقانداردىڭ دەنەسى سۋدان شىعارىلدى. حابارلارعا قاراعاندا، مەرت بولعانداردىڭ كەم دەگەندە ۇشەۋى - بالا.
وڭتۇستىك سۋداننىڭ دجۋباداعى ازاماتتىق اۆياتسيا باسقارماسىنىڭ اتقارۋشى ديرەكتورى دەۆيد سۋبەك قايعىلى وقيعانى راستادى. الايدا قۇربانداردىڭ ناقتى سانىن ايتا العان جوق.
سوڭعى جىلدارى وڭتۇستىك سۋداندا بىرنەشە اۋە اپاتى بولدى. 2017-جىلى اۋا رايىنىڭ قولايسىزدىعىنان شاعىن ۇشاق قۇلاپ، ءتورت جولاۋشى زارداپ شەكتى.
2015-جىلى بورتىندا جولاۋشىلارى بار رەسەيلىك جۇك تاسىمالداۋشى ۇشاق قۇلاپ، ونداعان ادام قازا تاپقان بولاتىن.
