جەڭىس قاسىمبەك 20 مىڭ جۇمىس ورنىن قالاي اشاتىنىن ايتتى

استانا. قازاقپارات - قازاقستان مەن قىتايدىڭ بىرلەسكەن جوبالارىنىڭ ارقاسىندا 20 مىڭ تۇراقتى جۇمىس ورنى اشىلادى. بۇل تۋرالى بۇگىن «ءبىر بەلدەۋ - ءبىر جول» باستاماسىنىڭ 5 جىلدىعىنا ارنالعان قازاقستان- قىتاي بيزنەس فورۋمىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ايتتى،

 دەپ حابارلايدى قازاقپارات ءتىلشىسى.

 «5 جىلدىڭ ىشىندە ءبىز ءبىرقاتار ءىرى ينفراقۇرىلىمدىق جوبالاردى ىسكە قوستىق. ولار: ليانيۋنگان پورتى، قىتايمەن شەكاراداعى قورعاس قۇرعاق پورتى، كاسپي تەڭىزىندەگى اقتاۋ پورتى، ورتالىق ازيا ەلدەرىن پارسى شىعاناعىمەن جانە يراننىڭ وڭتۇستىگىندەگى باندار- ابباس پورتىمەن قوساتىن، جالپى ۇزىندىعى شامامەن 900 شاقىرىم «قازاقستان- تۇرىكمەنستان- يران» جاڭا تەمىرجول ءدالىزى، ءبىر بولىگى قازاقستان اۋماعى ارقىلى وتەتىن «باتىس ەۋروپا- باتىس قىتاي» حالىقارالىق ترانزيت ءدالىزى. قابىلدانعان شارالار قىتايدان قازاقستان ارقىلى ەۋروپاعا جۇكتەردى 15 كۇنگە جەتكىزۋگە مۇمكىندىك بەرەدى. بۇل رەتتە تەڭىز جولىمەن تاسىمال 2-2,5 جارىس ەسە كوپ ۋاقىت الادى»، - دەدى مينيستر.

سونىمەن قاتار ول يندۋستريالاندىرۋ جانە ينۆەستيتسيا سالاسىنداعى ىنتىماقتاستىق اياسىندا بىرلەسكەن قازاقستاندىق- قىتايلىق جوبالاردى جۇزەگە اسىرۋ بەلسەندى جۇرگىزىلىپ جاتقانىن ايتتى. وعان جالپى سوماسى 27 ميلليارد دوللاردان اسىپ جىعىلاتىن 51 جوبا كىرەدى.

«ءبىز وسى جوبالاردىڭ ەسەبىنەن شامامەن 20 مىڭ تۇراقتى جۇمىس ورنىن قۇرۋدى جوسپارلاپ وتىرمىز. قازىردىڭ وزىندە جۇزەگە اسىرىلعان جوبالار بار»، - دەدى جەڭىس قاسىمبەك.

ماسەلەن، ءمينيستردىڭ دەرەگىنشە، قوستاناي وبلىسىندا دجاك ماركالى جەڭىل اۆتوموبيلدەردى شىعاراتىن جوبا، پاۆلودار وبلىسىندا ۇنتاق پوليپروپيلەن ءوندىرىسى، سولتۇستىك قازاقستان وبلىسىندا راپس مايى ءوندىرىسى ىسكە قوسىلعان.

اۆتور: مارلان جيەمباي