20:32, 08 - تامىز 2018 | GMT +5
ەلباسىنىڭ باستاماسىمەن تاعى 20 مىڭ ءبىلىم گرانتى ءبولىندى
پاۆلودار. قازاقپارات - قازاقستاندا تەحنيكالىق مامانداردى كوبىرەك دايارلاۋ ماقساتىندا قوسىمشا جوعارى ءبىلىم گرانتتارى ءبولىندى، دەپ حابارلايدى قازاقپارات ءتىلشىسى.
«ەلباسىنىڭ ءۇشىنشى الەۋمەتتىك باستاماسى بويىنشا جوعارى وقۋ ورىندارىنا قوسىمشا 20 مىڭ گرانت ءبولىندى. گرانتتار جونىندەگى مەملەكەتتىك كوميسسيانىڭ جۇمىسى جۋىردا عانا اياقتالدى، 68 مىڭ ادام گرانتقا يە بولدى. بۇل وتە جاقسى»، - دەدى قازاقستان پرەزيدەنتىنىڭ بەس الەۋمەتتىك باستاماسىن ىسكە اسىرۋدى باقىلاۋ جونىندەگى رەسپۋبليكالىق قوعامدىق كەڭەستىڭ ءتوراعاسى، سەناتور باقىتجان جۇماعۇلوۆ پاۆلوداردا «نۇر وتان» پارتياسىنىڭ وبلىستىق اكتيۆىنىڭ وتىرىسىندا.
قوسىمشا گرانتتار نەگىزىنەن تەحنيكالىق ماماندىقتارعا باعىتتالعان.
«بۇل جاڭا ەكونوميكادا قاجەتتىلىك بايقالاتىن مىڭداعان مامانداردى دايارلاۋعا سەپتىگىن تيگىزەدى. بۇل تۋرالى مەملەكەت باسشىسى بيىلعى جولداۋىندا تولىق ايتقان بولاتىن»، - دەدى ب. جۇماعۇلوۆ.
