الماتىدا اۆتوپارك وپەراتورمەن سوتتاسىپ، 20 ميلليون تەڭگە وندىرمەك بولدى
ءىس ماتەريالدارىنا سايكەس، «Green bus company» مەن وپەراتور اراسىندا كەلىسىمشارت جاسالعان. ترانسپورت حولدينگى قوعامدىق كولىكتە جول اقىسىن ەسەپتەۋدىڭ اۆتوماتتاندىرىلعان كەشەندى جۇيەسىن (ج ا ە ا ك ج) جۇرگىزۋدى قامتاماسىز ەتۋى كەرەك بولاتىن.
بىلتىرعى قازاننان بيىلعى مامىرعا دەيىن «Green bus company» كولىك حولدينگىنە ەسەپتەۋ جۇيەسىنىڭ ج ا ە ا ك تەحنيكالىق اقاۋىن جوندەۋگە ءوتىنىش بىلدىرگەن.
كەلىسىمشارت بويىنشا وپەراتور ءبىر تاۋلىك ىشىندە قۇرىلعىنى جوندەۋى كەرەك.
جىلجىمالى قۇرامنىڭ تەحنيكالىق اقاۋى كەسىرىنەن جۇرمەي تۇرىپ قالعان جاعدايدا وپەراتور تاسىمالداۋشىعا كۇنىنە 1 ا ە ك كولەمىندە ايىپپۇل تولەۋى ءتيىس.
«Green bus company» وكىلدەرى سوتتا كەلىسىمشارتتىڭ بۇزىلعانى تۋرالى ءبىرقاتار حاتتى دالەل رەتىندە كەلتىردى.
«كەلتىرىلگەن دەرەكتەردى زەرتتەي كەلە سوت اتالعان حاتتاردا قۇرىلعىنى ورناتۋ تۋرالى عانا ايتىلعانىن، بۇزىلعان جاعدايداعى جوندەۋ جۇمىستارىنا قاتىسى جوقتىعىن انىقتادى»، - دەلىنگەن سوتتىڭ قاۋلىسىندا.
وسىلايشا سوت «Green bus company» تاسىمالداۋشىسىنىڭ «الماتى كولىك حولدينگى» ا ق ايىپپۇل ءوندىرۋ تۋرالى ارىزىن قاناعاتتاندىرمادى.
الايدا، جەكە تاسىمالداۋشى سوت شەشىمىنە اپەللياتسيالىق شاعىم تۇسىرمەك.
