نۇرسۇلتان نازاربايەۆقا «استاناعا 20 جىل» مەدالى تاپسىرىلدى

استانا. قازاقپارات - استانانىڭ 20 جىلدىعىنا جانە قازاقستان پرەزيدەنتىنىڭ تۋعان كۇنىنە وراي كەزدەسۋ ءوتتى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى نۇرسۇلتان نازاربايەۆتى تۋعان كۇنىمەن جانە ەلوردانىڭ مەرەيتويىمەن قازاقستان رەسپۋبليكاسى پارلامەنتى سەناتى مەن ءماجىلىسىنىڭ ءتوراعالارى، پرەمەر-مينيستر، مەملەكەتتىك حاتشى، پرەزيدەنت اكىمشىلىگىنىڭ باسشىسى، «سامۇرىق- قازىنا» اكسيونەرلىك قوعامىنىڭ باسقارما ءتوراعاسى، پرەزيدەنت اكىمشىلىگىنىڭ باسشىلىق قۇرامى، ورتالىق مەملەكەتتىك ورگانداردىڭ باسشىلارى جانە استانا قالاسىنىڭ اكىمى قۇتتىقتادى.

نۇرسۇلتان نازاربايەۆقا «استاناعا 20 جىل» مەرەيتويلىق مەدالى سالتاناتتى جاعدايدا تاپسىرىلدى. شاراعا قاتىسۋشىلار قازاقستان پرەزيدەنتىنە زور دەنساۋلىق، باقىت جانە جاۋاپتى قىزمەتتە جاڭا تابىس تىلەدى.