استانانىڭ 20 جىلدىعى: مەرەكە كۇندەرى قايدا بارۋعا بولادى
2-3 -شىلدە كۇندەرى ەلوردا تۇرعىندارى مەن قوناقتارى II حالىقارالىق «قۇرالاي» قۋىرشاق تەاترى فەستيۆالى اياسىندا تۇركيا، رەسەي، ەستونيا، پولشا، تۋنيس، بەلگيا ەلدەرىنىڭ جانە استانالىق قۋىرشاق تەاترىنىڭ قويىلىمدارىن تاماشالاي الادى. سپەكتاكلدەر ەلوردانىڭ قۋىرشاق تەاترىندا ساحنالانادى.
2 -شىلدە كۇنى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جاس اقىندار قازاقستاننىڭ ەلورداسىن جىرعا قوسادى. «ەل تىرەگى - ەلوردا» ءمۇشايراسى ساعات 17:00-دە باستالادى دەپ كۇتىلۋدە.
ءدال وسى كۇنى ساعات 19:00-دە «بايتەرەك» مونۋمەنتىنىڭ ماڭىندا امەريكاندىق ACIDIC توبىنىڭ كونسەرتى وتەدى.
3-5 شىلدەدە قالالىقتار «سەرپەر» Ⅵرەسپۋبليكالىق قازاق حالىق اسپاپتار وركەسترى فەستيۆالىنىڭ قوناعى بولا الادى. ءتۇرلى وركەستر ۇجىمدارى ەسىل وزەنىنىڭ جاعاسىنداعى امفيتەاتردا، «ستۋدەنتتىك»، «استانالىق» ساياباقتارىندا ونەر كورسەتەدى.
ازىلسۇيەر قاۋىمدى 4 -شىلدەدە ساعات 19:00-دە Nomad city حولىندا وتەتىن «نازار اۋدار» تەاترىنىڭ ءازىل- سىقاق باعدارلاماسى كۇتەدى.
ال «جاستار» سارايىنىڭ جازعى ساحناسىندا 5-6 -شىلدەدە كاراوكەدەن قالالىق اشىق چەمپيوناتتا استانا قالاسى اكىمىنىڭ كۋبوگى ءۇشىن سايىسقا تۇسۋگە بولادى. سايىس ساعات 15:00-دە باستالادى.
بۇل كۇندەرى قالالىق الاڭدا كوشە بيىنەن حالىقارالىق «ىnternational Street dance Session in Astana» فەستيۆالى وتەدى دەپ جوسپارلانعان.
6 -شىلدەدە ساعات 17:00-دە ەسىل وزەنى جاعاسىنداعى امفيتەاتردا قالا تۇرعىندارى مەن قوناقتارىنىڭ الدىندا ۆەنگريالىق «Kurazsi» ەتنو-ءبي انسامبلى ونەر كورسەتپەك.
ال ساعات 18:00-دە «استانا» كونسەرت زالىندا ك س ر و حالىق ءارتىسى، قازاقستاننىڭ ەڭبەك سىڭىرگەن ءارتىسى، كسرو جانە قازاقستان مەملەكەتتىك سىيلىعىنىڭ يەگەرى، سوتسياليستىك ەڭبەك ەرى بيبىگۇل تولەگەنوۆانىڭ جەكە كونسەرتى ۇيىمداستىرىلادى.
وسى ۋاقىتتا «جاستار» سارايىنىڭ جازعى ساحناسىندا ەلوردالىق «مويا ليۋبيمايا استانا» فوتو بايقاۋىنىڭ جەڭىمپازدارى ماراپاتتالادى.
مەرەكەلىك كونسەرتتەر، سونداي-اق ەسىل وزەنىنىڭ جاعاسىندا، «قازاق ەلى» مونۋمەنتىنىڭ ماڭىندا، «بايتەرەك» الاڭىندا وتەدى.
7 -شىلدەدە قالالىق الاڭدا يتاليالىق «FORWARD» دجاز كۆارتەتىنىڭ كونسەرتىن جانە «ەنەرگيا مۋزىكي» كونسەرتىن تاماشالاۋعا بولادى.
مادەني اپتانى قازاقستاندىق ەسترادا جۇلدىزدارىنىڭ قاتىسۋىمەن وتەتىن «كەش جارىق، استانا!» كونسەرتى اياقتايدى. ول ەسىل وزەنىنىڭ جاعاسىندا 8 -شىلدەدە وتەدى. باستالۋى ساعات 20:00-دە.
بۇدان بولەك، 2-8 -شىلدە ارالىعىندا ەلوردانىڭ ساياباقتارى مەن سپورت كەشەندەرىندە سپورتتىڭ ءار الۋان تۇرىنەن جارىستار ۇيىمداستىرىلادى. ولاردىڭ اراسىندا بايگە تۇرىنەن وتەتىن «استانا كۋبوگى» دە بار.
