18:18, 27 - ماۋسىم 2018 | GMT +5
بايگەدەن رەسپۋبليكالىق تۋرنير وتەدى: جۇلدە قورى - 20 ميلليون تەڭگە
استانا. قازاقپارات - استانانىڭ 20 جىلدىق مەرەيتويى قارساڭىندا «قازانات» يپپودرومىندا بايگە تۇرلەرى بويىنشا رەسپۋبليكالىق تۋرنير وتەدى، دەپ حابارلايدى «SPORTINFORM» س ا ا.
ەكى قاشىقتىقتا وتەتىن جارىس باعدارلاماسىنا 25 شاقىرىمعا شاقتالعان الامان بايگە مەن 16 شاقىرىمدىق بايگە كىرەدى. ءار وبلىستان جانە استانا مەن الماتى قالالارىنان ەكى اتتان قاتىسا الادى. جالپى جۇلدە قورى استانانىڭ 20 جىلدىعىمەن بايلانىستىرىلىپ، 20 ميلليون تەڭگەنى قۇرادى. الامان بايگەنىڭ جەڭىمپازى 20 مىڭ دوللارعا يە بولادى.
جارىستار 6- شىلدە كۇنى ساعات 14.00 دە «قازانات» يپپودرومىندا وتەدى.
