قاراعاندىدا 20 ادامنىڭ اۋىزاشاردا ۋلانۋىنا نە سەبەپ بولدى - باس سانيتار جاۋابى

«تەكسەرۋ بارىسىندا ورەسكەل بۇزۋشىلىقتارعا جول بەرىلگەنى انىقتالدى. مۇنىڭ بارلىعى دا ۇيدە بولعان جانە باقىلاۋ جۇرگىزىلمەگەن. بەس تاۋلىك بويى سالقىن جەردە ساقتالماعان كرەمدى ءتاتتى توقاش ساتىپ العان. مۇنان ارى ەتتى تاڭەرتەڭ ءپىسىرىپ، كەشكى توعىزدان كەيىن داستارحانعا قويعان. وسىنداي ورەسكەل بۇزۋشىلىقتار ۋلانۋعا سەبەپ بولىپ وتىر. كەسىلگەن ەت ءتۇسى ازداپ جاسىلدانعان جانە جاعىمسىز ءيىسى بولعان. سيىر مەن جىلقى ەتى اسىلعان. ال كەسىلگەن جىلقى ەتىندە ازداعان جاسىل ءتۇس بار»، - دەدى ول ۇكىمەت وتىرىسىنان كەيىن ب ا ق وكىلدەرىنە.
ونىڭ ناقتىلاۋىنشا، اۋرۋحاناعا 20 ادام تۇسسە، ونىڭ 4 ەۋى - بالالار. قازىرگى ۋاقىتتا ناۋقاستاردى ەمدەۋدىڭ بارلىق شارالارى جۇرگىزىلىپ جاتىر.
«ءبارى دە جاقسى بولادى دەپ ويلايمىن. جانساقتاۋ بولىمىنە تۇسكەن ەكى ادامنىڭ جاعدايى جاقسارىپ كەلەدى. قاۋىپتى جاعداي جوق. استانادا قوناقتار بولماعان، بارلىعى دا جەرگىلىكتى تۇرعىندار»، - دەدى جانداربەك بەكشين.
بۇعان دەيىن حابارلاعانىمىزداي، قاراعاندىدا اۋىزاشارعا بارعان ادامدار جاپپاي ۋلانىپ، اۋرۋحاناعا تۇسكەن. اۋرۋحاناعا استان ۋلانۋ بەلگىلەرىمەن 20 ادام قارالعان. بارلىعىندا جوعارى دەنە قىزۋى، قۇسۋ، ءىش ءوتۋ سياقتى، جالپى وتكىر ىشەك ينفەكسياسىنا ءتان بەلگىلەر بولعان.