استاناعا 20 جىل: ساياساتكەرلەر مەن ساراپشىلار استانانىڭ حالىقارالىق ءرولىن تالقىلاماق
«كونفەرەنسيانىڭ ماقساتى ايماقتاعى جانە الەمدەگى دامۋ مەن قاۋىپسىزدىك ماسەلەلەرىن شەشۋ ءۇشىن ءوزارا سەنىم مەن ىنتىماقتاستىقتى بەكەمدەۋ بويىنشا جاڭا يدەيالاردى تالقىلاۋ بولىپ تابىلادى. اتالعان تاقىرىپ كونفەرەنسيانىڭ ءبىرىنشى سەسسياسىندا تالقىلانباق»، - دەپ حابارلادى مينيسترلىكتەن.
«اقىلدى قالالار» بويىنشا سەسسيادا قاتىسۋشىلار قالالىق ينتتەللەكتۋالدىق تەحنولوگيالاردى ەنگىزۋ جانە استانانى ارى قاراي وركەندەتۋ ءۇشىن وسى ىسكە حالىقارالىق جانە وتاندىق بيزنەستى جۇمىلدىرۋ ماسەلەلەرى بويىنشا تالقىلاۋ وتكىزەدى.
استانانى يننوۆاتسيالىق قارجىلىق، ساۋدا جانە كولىكتىك حاب رەتىندە دامىتۋ جوسپارىنا ارنالعان ءۇشىنشى سەسسيا ەلوردانىڭ «بەلدەۋلەر مەن جولدار» باعىتىنداعى كەلەشەگىن، باتىس پەن شىعىس اراسىنداعى ديالوگ بويىنشا ونىڭ ءرولىن، سونىمەن قاتار ايماقتىق جانە حالىقارالىق ساۋدا جانە بايلانىستى دامىتۋ بويىنشا قازاقستاننىڭ الەۋەتىن قاراستىرۋدى ۇسىنادى.
سونىمەن قاتار، «استانا» حالىقارالىق قارجى ورتالىعىنىڭ جۇمىسىنا، حالىقارالىق «جاسىل» تەحنولوگيالار ورتالىعىنا جانە AstanaHub IT- ستارتاپتاردىڭ حالىقارالىق تەحنوپاركىنە ەرەكشە نازار اۋدارىلادى.
كونفەرەنسياعا يتاليانىڭ بۇرىنعى سىرتقى ىستەر ءمينيسترى فرانكو فراتتيني، يسلام ىنتىماقتاستىعى ۇيىمىنىڭ بۇرىنعى باس حاتشىسى ەكمەللەدين يحسانوگلۋ، شاڭحاي ىنتىماقتاستىق ۇيىمىنىڭ بۇرىنعى باس حاتشىسى مۇراتبەك يماناليەۆ، ب ۇ ۇ- نىڭ سيريا بويىنشا باس حاتشىسىنىڭ ارنايى ەلشىسىنىڭ ورىنباسارى رامزي ەززەلدين رامزي، سونىمەن قاتار، حالىقارالىق ۇيىمداردىڭ، پارلامەنت دەپۋتاتتارى، حالىقارالىق قاۋىپسىزدىك، قارجى سالاسىنداعى ساراپشىلار قاتىسادى.