وبلىس اكىمى 20 پايىز باستاپقى جارناسى بار سالىمشىلار سانىن انىقتاۋدى تاپسىردى

None
None
قىزىلوردا. قازاقپارات - قىزىلوردا وبلىسىنىڭ اكىمى قىرىمبەك كوشەربايەۆ ەسەپشوتتارىندا باستاپقى جارنا رەتىندە %20 قارجىسى بار سالىمشىلارعا تالداۋ جاساۋدى تاپسىردى.

بۇل تۋرالى ول اكتيۆ جينالىسىندا ايتتى، دەپ حابارلادى قازاقپارات ءتىلشىسى.

سونىمەن بىرگە اكىم شاعىن نەسيەلەندىرۋ ماقساتىندا وبلىسقا قوسىمشا قارجى تارتۋعا تاپسىرما بەردى.

ايماق باسشىسى ەلباسىنىڭ بەس الەۋمەتتىك باستاماسى ميلليونداعان قازاقستاندىقتاردىڭ مۇددەسىنە وڭ اسەر ەتىپ، الەۋمەتتىك سالانى جاقسارتۋعا باعىتتالعانىن اتاپ ءوتتى.

«پرەزيدەنتتىڭ ايتۋىنشا، جۇمىس ىستەيتىن ءاربىر قازاقستاندىق جاڭالانعان شارتتار بويىنشا يپوتەكالىق نەسيە الۋ مۇمكىندىگىنە يە بولادى. بۇدان باسقا، وزدەرىڭىز بىلەسىزدەر، ءبىز الدىمىزعا وبلىستىڭ الەۋمەتتىك از قامتىلعان توبىن مەيلىنشە قولجەتىمدى باسپانامەن قامتاماسىز ەتۋ مىندەتىن قويىپ وتىرمىز. وسى ماقساتتا 2017 -جىلى 3 جىلعا ارنالعان تۇرعىن ءۇي قۇرىلىسىنا باعىتتالعان «وردا» «جول كارتاسىن» ازىرلەدىك»، - دەدى وبلىس اكىمى.

سونداي-اق، ول باستاپقى جارنا رەتىندە ەسەپشوتىندا %20 قارجىسى جيناقتالعانداردىڭ سانىن انىقتاۋ ءۇشىن سالىمشىلارعا تالداۋ جاساۋدى جۇكتەدى.

«جوعارى ءبىلىم الۋدىڭ قولجەتىمدىلىگى مەن ساپاسىن ارتتىرۋ» اتتى ءۇشىنشى باستاماسى اياسىندا قىرىمبەك كوشەربايەۆ قىزىلورداداعى مەكتەپ بىتىرۋشىلەردىڭ رەسەي ۇكىمەتىنىڭ گرانتى ەسەبىنەن ءبىلىم الىپ جاتقانىن اتاپ ءوتتى.

«جۋىردا رەسەي فەدەراتسياسىنىڭ فەدەرالدىق بيۋدجەتى ەسەبىنەن رەسەي مەملەكەتتىك اگرارلىق ۋنيۆەرسيتەتىنىڭ ك. ا. تيميريازوۆ اتىنداعى ماسكەۋ اۋىلشارۋاشىلىق اكادەمياسىنا باكالاۆر باعدارلاماسىمەن ء«بىلىم سالاسىنداعى اقپاراتتىق جۇيەلەر» ماماندىعىنا سەگىز تالاپكەردى جانە ماگيستراتۋرا باعدارلاماسى بويىنشا «ينجەنەرلىك ءبىلىم بەرۋ جۇيەسىن اقپاراتتاندىرۋ» ماماندىعىنا جيىرما تالاپكەردى جاڭادان وقۋعا قابىلداۋ جونىندە كەلىسىمگە قول جەتكىزدىك. سونىمەن بىرگە، جىل سايىن وبلىس اكىمىنىڭ گرانتىمەن از قامتىلعان جانە كوپبالالى وتباسىلاردان شىققان 100-گە جۋىق دارىندى اۋىل بالالارىن ايماققا قاجەتتى ماماندىقتار بويىنشا ەلىمىزدىڭ جەتەكشى جوعارى وقۋ ورىندارىنا جىبەرۋدەمىز. ءبىزدىڭ جاستارىمىز تالانتتى جانە ءبىز ولاردى جاڭا قوعامنىڭ قاجەتتى ماماندىقتارىنا باعىتتاۋىمىز قاجەت»، - دەدى وبلىس اكىمى.

سونداي-اق، بيىلعى جىلى شاعىن نەسيەلەندىرۋگە 3 ميلليارد تەڭگەدەن استام قارجىنى باعىتتاۋ جوسپارلانۋدا. بۇل كەمىندە 500 گە جۋىق جوبانى نەسيەلەندىرۋگە مۇمكىندىك بەرەدى.

استانا قالاسىنىڭ گازداندىرۋ جونىندەگى بەسىنشى باستاماسى اياسىندا مەملەكەت باسشىسى قاراوزەك ( قىزىلوردا وبلىسى) - جەزقازعان - قاراعاندى - تەمىرتاۋ - استانا باعىتىنداعى ماگيسترالدى گاز قۇبىرىن سالۋ جوباسىن جۇزەگە اسىرۋدى ۇسىندى. قىزىلوردا وبلىسى اكىمىنىڭ ايتۋىنشا، بۇل جوبا بىرنەشە جىل بويى زەرتتەلدى.

«بۇگىنگى كۇنى ەلوردامىز استانانى گازداندىرۋ ءبىزدىڭ سىر وڭىرىنەن باستاۋ الاتىنى ءبىز ءۇشىن ۇلكەن قۋانىش. ءبىز بۇل ماسەلەنى بىرنەشە جىل زەرتتەدىك. ناقتى ايتار بولساق، بۇل - سمەتالىق قۇنى 370 ميلليارد تەڭگە بولاتىن ينۆەستيتسيا، بيۋدجەتكە تۇسەتىن تۇسىمدەر مەن ەڭ باستىسى، جاڭا جۇمىس ورىندارى. جوبا بويىنشا كەمىندە 200 قىزىلوردالىق جۇمىسپەن قامتىلاتىن بولادى»، - دەدى قىرىمبەك كوشەربايەۆ.

سوڭعى جاڭالىقتار