سىزگە بەرىلەتىن 20 مۇمكىندىك
سوندىقتان ءاربىر ادام قيىندىقتان قۇتىلۋدىڭ جولدارىن قالاي دا قاراستىرعانى ءجون. ياعني، الدىنا ناقتى ماقسات قويىپ، سەرگەك ءجۇرۋدىڭ امالىن ىزدەپ، سەزىمتالدىققا داعدىلانۋى ءتيىس. مۇنى تاڭەرتەڭ ءبىر ستاقان ءسۇت ىشۋدەن باستاۋ كەرەك. تاماق ىشكەندە قاسىق نەمەسە شانىشقىنى سول قولمەن، ەگەر سولاقاي بولساڭىز وڭ قولمەن ۇستاۋعا داعدىلانىڭىز. وسى سەكىلدى وزگەرىستەر ادام ميىنىڭ قىزمەتىن جاقسارتادى.
مىنا كەڭەستەر جادىڭىزدا ءجۇرسىن!
تارەلكەڭىزدى تۇرلەندىرىڭىز
شەتەل عالىمدارىنىڭ 14 جىلعا سوزىلعان زەرتتەۋلەرىنىڭ بارىسىندا جەمىس- جيدەك پەن كوكونىستەردى كوپ جەيتىن ادامداردىڭ قاتەرلى ىسىككە شالدىعۋى 70 پايىزعا دەيىن ازايعان. مۇنداي ناتيجەگە قول جەتكىزۋ ءوز قولىڭىزدا. تارەلكەڭىزدەن تەك جەمىس- جيدەك پەن كوكونىس كەتپەسىن. تەك قۋىرىلعان كارتوپ سەكىلدى تاعامدارعا جولاماڭىز.
ءتىستى كۇتە ءبىلىڭىز
اسىرەسە ءتىستى شەتكامەن قۇرعاق كۇيىندى ىسقىلاۋ كەرەك. ول ءتىستى 60 پايىز تازارتىپ، ءتىس ەتىنىڭ قاناۋىن ازايتادى. الدىمەن استىڭعى، سودان سوڭ ۇستىڭگى تىستەردى تازالاپ العان سوڭ، جىلى سۋمەن شايىپ، اۋىز قۋىسىن قۇرعاتىپ العان ءجون. سودان سوڭ عانا ءتىس پاستاسىن قولدانىڭىز.
تاڭعى استى تاستاماڭىز
2000 ادامعا جۇرگىزىلگەن زەرتتەۋلەر ورتا ەسەپپەن 30 كەلىگە دەيىن سالماق تاستاپ، ودان كەيىن قايتا ەت الماۋىنىڭ سەبەبى، كۇن سايىن تاڭعى استى تۇراقتى ىشۋىمەن بايلانىستى ەكەن. سوندىقتان تاڭەرتەڭگىلىك استى مىندەتتى تۇردە اسىقپاي ءىشىپ الىڭىز.
تۇزدىق تا پايدالى
كۇندەلىكتى قىزاناق سىعىندىسىن ىشكەن ادامداردا پروستاتا ىسىگى 34 پايىزعا ازايادى دەگەن بولجام بار.
حولەستەرينمەن قالايسىز؟
اعزاداعى حولەستەرين مولشەرىن كوزىلدىرىك شىنىسىنان دا بىلۋگە بولادى.
مايلى تاعام، پروتەيندەر مەن ىشىمدىك اعزا قىزمەتىن السىرەتىپ، حولەستەريننىڭ بولىنۋىنە بوگەت جاسايدى. ەگەر ءسىزدىڭ كوزىلدىرىگىڭىزدىڭ شىنىسىندا اق داق پايدا بولسا، حولەستەريننىڭ قان تامىرلارىن نە ىستەيتىندىگىنە كوز جەتكىزۋگە بولادى.
بالىق اۋلاۋعا بارىڭىز
اپتاسىنا ءبىر رەت بالىق ەتىن جەپ تۇرۋ توسىنان كەلەتىن ينفارك نەمەسە جۇرەك دەرتتەرىن ازايتادى. ويتكەنى بالىقتا مايلى ومەگا 3 قىشقىلى بولادى. ول ارقان تۇقىمداس بالىقتاردا كوپ.
كوكجيدەكتى كوپ جەڭىز
بۇل جەمىس قان اينالىمىن جاقسارتاتىن زاتتارعا باي. كۇرەتامىردى تازالايدى. ونى بالعىن كەزىندە نەمەسە بىلامىق تۇرىندە اپتاسىنا ءۇش رەت جەپ تۇرىڭىز.
قىزىل شاراپ
قاتەرلى ىسىككە تاپ بولۋ مۇمكىندىگىن ازايتۋ ءۇشىن ازداپ قىزىل شاراپ ءىشىپ تۇرعان دا پايدالى ەكەن. سەبەبى ونىڭ قۇرامىندا فلاۆونول انتيوكسيدانتتارى بار. ول قاتەرلى ىسىكتى ورشىتەتىن قۇبىلىستارمەن كۇرەسەدى.
وزگەلەرگە كومەكتەسىڭىز
بىرەۋدىڭ قۋانىشىنا دا، قايعىسىنا دا ورتاقتاسىپ، قولدان كەلگەنشە كومەكتەسۋ ادام ومىرىنە ەرەكشە شابىت سىيلايدى.
ءجيى ءيىلىڭىز
بەل اۋرۋىن 70 پايىزعا ازايتۋ ءۇشىن كۇندە قارىن مەن جاق سۇيەكتەرىندەگى بۇلشىق ەتتەردى جاتتىقتىرۋ قاجەت. كۇنىنە 10-15 رەت ءيىلىپ تۇرۋ وتە پايدالى.
ۇن تاعامدارىنان قاشىڭىز
ءقازىر پيتستسا نەمەسە ءتۇرلى پيروگتاردىڭ كوبەيۋى ادامداردىڭ سالماق قوسۋىنا، اسقازان اۋرۋلارىنا بىردەن ءبىر سەبەپشى بولىپ وتىر.
كوفەدەن دە قاۋىپ بار
كوفەنى شەكتەن تىس ءىشۋ زياندى كورىنەدى. ول جۇرەك سوعىسىن جىلدامداتادى.
جۇپتارىڭىزدى جازباڭىزدار
باقىتسىز وتباسىندا دەرتتىڭ پايدا بولۋى 35 پايىزعا ۇلعايادى، ءومىر ءسۇرۋ ۇزاقتىعىن ءتورت جىلعا قىسقارتادى.
جاتتىعۋدىڭ جاقسى جاعى بار.
كۇندە 40 مينۋت جاتتىعۋ سترەسستى ازايتادى. ول ءدارى قولدانعاننان دا پايدالى.
شىرىننىڭ دا شىرىنى بار
شيە مەن شيە شىرىنىندا مەلاتونين قوسىندىلارى بار. ءوز كەزەگىندە بۇلار ۇيىقتاتاتىن پرەپاراتتار قاتارىنا جاتادى.
بالە باتەڭكەدە
ءسىزدىڭ جاستىعىڭىز ۇيقى كەزىندە باسىڭىز بەن يىعىڭىزدى قانشالىقتى كوتەرە الادى؟ ول ءۇشىن سىناق جاساپ كورۋگە بولادى. بوتينكاڭىزدى بۇكتەلگەن جاستىقتىڭ ۇستىنە قويىڭىز. ەگەر جاستىق جازىلىپ كەتسە، وندا ءبارى دۇرىس بولعانى.
شاماڭىز كەلسە، شارشاماڭىز
ەگەر ءسىز ۋاقتىلى ويانساڭىز سۇلگىنى سالقىن سۋعا مالىپ قولىڭىز بەن اياعىڭىزدى، كەۋدەڭىزدى ءسۇرتىڭىز. سودان سوڭ توسەگىڭىزگە كەلىپ قايتا جاتىڭىز. بۇل كەزدە دەنەڭىز قىزادى. كوزىڭىزدى ىلسەڭىز جاقسى ۇيىقتاپ، سەرگەكتىگىڭىز ءتىپتى ارتادى.
اينا دا الاڭداتادى
كولىك جۇرگىزەتىن بولساڭىز، بۇكىرلىكتەن ساقتانۋ ءۇشىن كولىكتىڭ اينالارىن جوعارىراق كوتەرىپ قويىڭىز. ول ەڭسەڭىزدى تىك ۇستاپ وتىرۋعا دانەكەر بولادى.
ە ۆيتامينى مەن اسپيرين ءىشىڭىز
دارىگەرلەردىڭ بۇل ۇسىنىسى وتە پايدالى ەكەن. ول تامىرلارداعى قاننىڭ ۇيۋىن 80 پايىزعا ازايتادى.
بانان جەڭىز
بانان كاليگە وتە باي. ول قان قىسىمىن ازايتادى. ول ءۇشىن كۇنىنە ءبىر بانان جەپ تۇرۋ جەتكىلىكتى.
جولداسبەك دۋاناباي.
«ايقىن»
