ەۋروپا ليگاسى: «استانالىق» فۋتبولشى توپ-20 قاتارىندا

استانا. قازاقپارات - ۋ ە ف ا- نىڭ رەسمي سايتى FedEx كومپانياسىمەن بىرلەسە ەۋروپا ليگاسىنىڭ بۇگىنگى كۇنى جاقسى بابىندا جۇرگەن فۋتبولشىلارىنىڭ رەيتينگىن جاريالادى، دەپ حابارلايدى قازاقپارات Sports.kz سايتىنا سىلتەمە جاساپ.

رەيتينگتىڭ نەگىزىنە ويىنشىلاردىڭ ەۋروپا ليگاسىنداعى جانە وزدەرىنىڭ ۇلتتىق چەمپيوناتتارىنداعى ونەرلەرى الىندى، كەيىن FedEx ستاتيستيكالىق الگوريتمى ارقىلى ولاردىڭ قازىرگى دەڭگەيى باعالاندى.

اتالمىش تىزىمدە ءبىرىنشى ورىندا يسپانيالىق «رەالا سوسەداد» كلۋبىنىڭ قورعاۋشىسى البەرتو دە لا بەليا تۇر.

ەكىنشى ورىنعا يتاليالىق «اتلانتانىڭ» جارتىلاي قورعاۋشىسى رەمو فرويلەر ورنالاستىرىلعان. ۇزدىك ۇشتىكتى فرانسۋزدىق «ليوننىڭ» فۋتبولشىسى نابيل فەكير تۇيىقتاعان.

«استانا» كومانداسىنىڭ شابۋىلشىسى پاتريك تۆۋماسي رەيتينگتىڭ 19-ورنىندا. ۋ ە ف ا ونىڭ «ۆيلياررەالمەن» ماتچ كەزىندەگى ويىنىن جوعارى باعالاعان.

تۆۋماسيدىڭ سەرىكتەسى، قورعاۋشى دميتري شومكو 38-ورىنعا تۇراقتادى. سونداي-اق تىزىمگە «استانانىڭ» فورۆاردى جۋنيور كابانانگا ەنگەن - 57-ورىن.