جەر شارى 20 جىلدا قالاي وزگەردى؟
استانا. قازاقپارات - امەريكالىق NASA عارىش اگەنتتىگىنىڭ قىزمەتكەرلەرى كليماتتىڭ وزگەرۋ سالدارىن باياندايتىن انيماتسيالىق بەينەروليك دايىندادى.
بۇل سوڭعى 20 جىلدا بولعان وزگەرىستەردى قامتيدى. بەينەروليك NASA Goddard Youtube ارناسىندا جاريالاندى. بۇعان ارنايى سپۋتنيكتىك سۋرەتتەر پايدالانىلدى. العاشقى سۋرەتتەر 1997 -جىلى تۇسىرىلگەن. بەينەروليكتەن پلانەتاداعى مۇزدىقتار مەن قار جامىلعىلارىنىڭ مولشەرىن وزگەرگەنىن، ەكى ونجىلدىقتا اركتيكانىڭ جاسىلعا اينالعانىن جانە ءبىرقاتار وبلىستاردا «بيولوگيالىق بوس ورىندار» قالىپتاسقانىن كورە الاسىز.
2017 جىل مەتەورولوگيالىق باقىلاۋلار تاريحىندا ەڭ ىستىق جىلداردىڭ ۇشتىگىنە ەنگەن. عالىمدار بۇل ارەكەتتەردى ادام قىزمەتىنىڭ ناتيجەسىندە تۋىنداعان عالامدىق جىلىنۋعا: كومىرسۋتەكتى وتىن مەن ورمانداردى جويۋىمەن بايلانىستى ەكەنىن العا تارتادى.
Massaget.kz
