جەر شارى سوڭعى 20 جىلدا قالاي وزگەرگەنىن كورسەتىلدى - كەسكىن
استانا. قازاقپارات - NASA سوڭعى 20 جىلدا كليماتتىڭ قالاي وزگەرگەندىگىن كورسەتەتىن انيماتسيالىق ۆيدەو جاريالادى.
انيماتسيالىق روليك NASA- نىڭ YouTube-كانالىنا ورنالاستىرىلعان، دەپ حابارلايدى قازاقپارات.
ونى ازىرلەۋ كەزىندە سپۋتنيكتىك تۇسىرىلىمدەر پايدالانىلعان، ولاردىڭ ەڭ العاشقىسى 1997 -جىلى جاسالعان.
ۆيدەودا جەردەگى مۇزدىقتار مەن قار جامىلعىلارىنىڭ قالاي وزگەرگەنى كورسەتىلگەن. ماسەلەن، اۋا تەمپەراتۋراسىنىڭ جوعارىلاۋىنا بايلانىستى اركتيكا 20 جىل ىشىندە جاسىل بولا ءتۇسىپ، جەر شارىنىڭ كەيبىر جەرلەرىندە «بيولوگيالىق بوس جەرلەر» پايدا بولعان.
«ءومىر - بۇل جەر شارىن وزگە مىڭداعان عالامشاردان ەرەكشە ەتىپ تۇرعان جالعىز نارسە. 1997 -جىلدىڭ كۇزىنەن باستاپ NASA سپۋتنيكتەرى جەر بەتىندەگى جانە مۇحيتتارداعى وسىمدىكتەردىڭ ءومىرىن ۇزدىكسىز باقىلاپ كەلەدى»، - دەپ اتاپ وتەدى عارىش اگەنتتىگىنەن.
جوبا اۆتورلارى بۇل ۆيدەو ادامداردى ەكولوگيالىق پروبلەمالاردى شەشۋدىڭ ماڭىزدىلىعى تۋراسىندا ويلاندىرا تۇسەدى دەگەن ءۇمىت ارتادى.
