استانانىڭ 20 جىلدىعىن وتكىزۋگە جاۋاپتى كوميسسيا قۇرامى بەكىتىلدى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ وكىمىمەن «ەل جۇرەگى - استانا» - استانا قالاسىنىڭ 20 جىلدىعىن مەرەكەلەۋ تۇجىرىمداماسى بەكىتىلدى، دەپ حابارلايدى Elorda.info.

تۇجىرىمداماعا سايكەس، ەلوردانىڭ 20 جىلدىق مەرەيتويىن تويلاۋدىڭ ءۇش كەزەڭى بەلگىلەندى. دايىندىق كەزەڭى: 2017 -جىلعى 10 - جەلتوقسانعا دەيىن؛ نەگىزگى كەزەڭ: 2017 -جىلعى 10 - جەلتوقساننان باستاپ - 2018 -جىلعى 6 - شىلدەگە دەيىن؛ مەرەكەدەن كەيىنگى كەزەڭ: 2018 -جىلعى 6 - شىلدەدەن باستاپ - 2018 -جىلعى 31 - جەلتوقسانعا دەيىن. ياعني، 2018 -جىل مەرەيتويلىق جىل بولعاننان كەيىن، جوسپارلانعان ءىس- شارالار جىل بويى وتكىزىلەتىن بولادى.

 استانانىڭ 20 جىلدىعىن دايىنداۋ جانە وتكىزۋ بويىنشا كوميسسيا قۇرامى بەكىتىلدى. ونىڭ ءتوراعاسى - ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ. ءتوراعانىڭ ورىنباسارلارى - ق ر پرەمەر- ءمينيسترىنىڭ ءبىرىنشى ورىنباسارى اسقار مامين مەن استانا قالاسىنىڭ اكىمى اسەت يسەكەشيەۆ. حاتشىسى - استانا قالاسى اكىمى اپپاراتىنىڭ باسشىسى بەرىك جاكەنوۆ.