وڭتۇستىك قازاقستاندىق 20 دارىگەر وڭتۇستىك كورەيادا تاجىريبە الماسىپ قايتتى

دەپ حابارلايدى و ق و اكىمىنىڭ باسپا ءسوز قىزمەتى.
وڭتۇستىك كورەيانىڭ ۇزدىك كلينيكالارىندا تاجىريبە الماسىپ قايتقان ءبىرقاتار اۋداندىق اۋرۋحانالاردىڭ باس دارىگەرلەرى وسى شاراعا بايلانىستى بۇگىن وڭىرلىك كوممۋنيكاتسيالار قىزمەتىندە بريفينگ وتكىزدى.
سپيكەرلەردىڭ ايتۋىنشا، جۇمىس ساپارىنىڭ باستى ماقساتى - دۇنيەدەگى الدىڭعى قاتارلى مەديتسيناسى دامىعان ەلدەردىڭ ءبىرى سانالاتىن وڭتۇستىك كورەيا مەملەكەتىنىڭ مەديتسينالىق كومەك كورسەتۋ جۇيەسىنىڭ جۇمىسىمەن تانىسۋ. بريفينگتە ءوز ويىمەن بولىسكەن سارى اعاش اۋداندىق اۋرۋحاناسىنىڭ باس دارىگەرى، توپ جەتەكشىسى يبراگيم تاشيەۆ وڭىردەن بارعان دەلەگاتسيالار كومپيۋتەرلىك- اقپاراتتىق جۇيەنىڭ جۇمىس تارتىبىمەن، مەديتسيالىق ساقتاندىرۋ جۇيەسىنىڭ ەرەكشەلىكتەرىمەن، ينسۋلت العان ناۋقاستارعا كورسەتىلەتىن كومەك، ينسۋلتان كەيىنگى وڭالتۋ جۇمىستارىن ۇيىمداستىرۋ ماسەلەلەرىمەن تانىسقانىن اتاپ ءوتتى.
«ءبىز ەڭ الدىمەن 3 اۋرۋحانادان تۇراتىن سەم مەديتسينالىق كلينيكاسىنىڭ جۇمىسىمەن تانىسۋدان باستادىق. گوسپيتالدا مەديتسينانىڭ بارلىق سالالارى بويىنشا بولىمشەلەر بار، جانە ولار كاسىبي ماماندارمەن، زاماناۋي مەديتسينالىق قۇرال- جابدىقتارمەن قامتاماسىز ەتىلگەن. سونداي- اق، زاماناۋي تالاپتارعا ساي كەلەتىن ەمدەۋ كەشەندەرى قاتارىنا كىرەتىن ادجۋ ۋنيۆەرسيتەتتىك كلينيكاسىنىڭ جۇمىسىن كوردىك. وندا بار- جوعى 80 ستۋدەنت ءدارىس الادى. كلينيكا ۇجىمىنىڭ ايتۋىنشا، بۇل ۇزدىك مەديتسينالىق مامانداردى دايىنداۋدىڭ كەپىلى ەكەن»، - دەيدى يبراگيم تاشيەۆ.
مۇنىمەن قوسا وڭتۇستىك قازاقستاندىق 20 دارىگەر كەنگيدو پروۆينتسياسىنىڭ ۆيتسە- مەرى مەن دەنساۋلىق ساقتاۋ ءمينيسترىنىڭ قابىلداۋىندا بولدى. وندا قوس تاراپ پروۆينتسيا مەديتسينا سالاسىنىڭ جەتىستىكتەرى مەن مەديتسينالىق ساقتاندىرۋ جۇيەسىنىڭ جۇمىسى جايلى ءسوز قوزعاعان.
باسپاءسوز ءماسليحاتىندا ءسوز العان شاردارا اۋداندىق ەمحاناسىنىڭ باس دارىگەرى جانار وسپانوۆا مەديتسينالىق ساقتاندىرۋ جۇيەسىن ەندىرۋدە ەلۋ جىلدىق تاجىريبەسى بار وڭتۇستىك كورەيانىڭ جۇيەسىن وڭىرىمىزدە جۇزەگە اسىرۋعا بولاتىنىن ايتتى.
ارىس اۋداندىق ورتالىق اۋرۋحاناسىنىڭ باس دارىگەرى ەرعالي ءالىمبايەۆتىڭ ايتۋىنشا، وڭتۇستىك كورەيادا سەۋل ۋنيۆەرسيتەتتىك اۋرۋحاناسىنان باسقا بارلىق گوسپيتالدار تولىعىمەن جەكەمەنشىك ەكەن. ونداعى مەديتسينالىق كومەكتىڭ بارلىعى، ونىڭ ىشىندە جەدەل جاردەم قىزمەتى دە اقىلى تۇردە كورسەتىلەدى. ال، ساقتاندىرۋ قورىنا ازاماتتار ءوزىنىڭ 20 پايىز تابىسىن وتكىزىپ وتىرادى. سول سەبەپتەن، كلينيكالاردىڭ جاڭا قۇرال سايماندارمەن جابدىقتالىپ، پاتسيەنتتەرگە زاماناۋي ۇلگىدە دياگنوستيكالىق جانە ەمدىك كومەك كورسەتۋىنە مۇمكىندىك بار.
جالپى ساپار قورىتىندىسىمەن دارىگەرلەر وبلىستا حالىق اراسىندا سانيتارلىق اعارتۋ جۇمىستارىن جانداندىرۋ، ب م س ك دەڭگەيىن كوتەرۋ، اۋداندىق اۋرۋحانالاردا وڭالتۋ بولىمشەلەرىن اشۋ، ينسۋلتتىڭ الدىن الۋ جانە وسى جۇمىستارعا قوعامدىق ۇيىمدار مەن اكىمشىلىك قىزمەتكەرلەردى جۇمىلدىرۋ بويىنشا جۇمىستاردى دامىتۋ قاجەت دەپ تۇيگەن.
ايتا كەتەيىك، وسى جىلدىڭ ءساۋىر ايىندا وڭتۇستىك كورەيانىڭ ءبىر توپ ۇزدىك دارىگەرلەرى شىمكەنتتە ەلىمىزدىڭ ءار وڭىرىنەن كەلگەن مەديتسينا ماماندارىنا ماستەر- كلاسستار وتكىزىپ، ءدارىس وقىپ، تاجىريبەلەرىمەن بولىسكەن ەدى. وندا وڭتۇستىك كورەيانىڭ الدىڭعى قاتارلى 4 كلينيكاسىمەن ىنتىماقتاستىقتى ارتتىرۋ ماقساتىندا وڭتۇستىك قازاقستان وبلىسىنىڭ دەنساۋلىق ساقتاۋ باسقارماسى مەن كورەيا رەسپۋبليكاسى دەنساۋلىق ساقتاۋ يندۋسترياسىن دامىتۋ ينستيتۋتى (KHIDI) اراسىندا تۇزىلگەن ىنتىماقتاستىق مەموراندۋمىنا قول قويىلعان بولاتىن.