قازاقستاننىڭ ورتاشا زەينەتاقى مولشەرى 20 پايىزعا كوبەيدى

استانا. قازاقپارات - جىل باسىنان قىركۇيەك ايىنا دەيىن ەلىمىزدە ورتاشا زەينەتاقى مولشەرى 6051 تەڭگە بولعان.
None
None

ال زەينەتكەرلەردىڭ سانى 2 ميلليون 104200 گە جەتكەن. وسى ۋاقىت ارالىعىندا زەينەتاقىنى تولەۋگە كەتكەن قارجى 223,1 ميلليارد تەڭگە، ال ىنتىماقتى زەينەتاقى تولەمدەرىنە ارنالعان شىعىندار - 798,5 ميلليارد تەڭگە بولدى، دەپ حابارلايدى Baq.kz.

بۇگىندە 669,6 مىڭ ادام مەملەكەت تاراپىنان الەۋمەتتىك جاردەماقى الۋدا.

ونىڭ 506,6 مىڭى مۇگەدەك جاندار بولسا، 161,2 مىڭ ادام اسىراۋشىسىنان ايىرىلعاندار. 1,8 مىڭ ادام جاسىنا بايلانىستى مەملەكەتتىك الەۋمەتتىك كومەكپەن قامتىلعان.

ال، مۇگەدەكتەرگە بەرىلەتىن الەۋمەتتىك جاردەماقىنىڭ ورتاشا مولشەرى 32392 تەڭگەنى، اسىراۋشىسىنان ايىرىلعاندارعا بەرىلەتىن كومەكتىڭ قۇنى 28571 تەڭگەنى، سونداي-اق، جاسىنا بايلانىستى الاتىن الەمەتتىك جاردەماقى 12719 تەڭگەنى كورسەتتى.

ەسكە سالساق، 2017-جىلعى 31- قاڭتارداعى ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جۇزەگە اسىرۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەپ، وعان مەملەكەت باسشىسى قول قويعان بولاتىن.

اتالعان قۇجات ارقىلى 2017-جىلدىڭ 1- شىلدەسىنەن باستاپ وتكەن جىلمەن سالىستىرعاندا زەينەتاقى مولشەرى %20 عا ارتتى.

سوڭعى جاڭالىقتار