اقتوبەدە 20 مىڭ دوللار بەرىپ، جۇمىسىنان ايىرىلعان شەنەۋنىككە قاتىستى شۋ شىقتى
سوت ونى قايتا جۇمىسقا ورنالاسۋ تۋرالى ارىزىن قاناعاتتاندىرمادى. بىرەر ايدان سوڭ ول جاڭا قىزمەتكە تاعايىندالىپ، داۋدىڭ ورتاسىندا قالدى، دەپ حابارلايدى قازاقپارات ءتىلشىسى. اقتوبە وبلىستىق دەنساۋلىق ساقتاۋ باسقارماسى باسشىسىنىڭ بۇرىنعى ورىنباسارى المات ەرماعامبەتوۆتىڭ اينالاسىنداعى داۋدان سوڭ جۇمىستان شىعارىلدى.
بۇعان دەيىن حابارلاعانىمىزداي، №2 -اقتوبە قالالىق سوتىندا قىلمىستىق كودەكستىڭ «الاياقتىق» بابى بويىنشا ءىس قوزعالىپ، المات ەرماعامبەتوۆ وسى ىستە جابىرلەنۋشى تاراپ بولىپ قاتىستى. ول 20 مىڭ دوللار بەرىپ، قىزدارىن وقۋعا تۇسىرۋگە كومەك بەرەمىن دەگەن بوتاگوز بيەكەنوۆاعا الدانىپ قالعان. 
سوت ۇكىمىمەن الاياق ايەل 3 جىل 3 ايعا اباقتىعا قامالعان بولاتىن. ال المات ەرماعامبەتوۆ قوعامدىق شۋدىڭ ورتاسىندا قالعانى ءۇشىن مەملەكەتتىك قىزمەتىنەن كەتتى.
كەيىن ول اقتوبە وبلىستىق دەنساۋلىق ساقتاۋ باسقارماسى جانىنداعى اقتوبە مەديتسينا ورتالىعى مەكەمەسىنە جۇمىسقا ورنالاسقان بولاتىن. كەيىن تاعى شۋ شىقتى.
«ا. ەرماعامبەتوۆ وسى جىلدىڭ 24 -شىلدەسىنەن باستاپ «اقتوبە مەديتسينا ورتالىعى» م ك ك كەڭەس بەرۋ- دياگنوستيكا ءبولىمى ديرەكتورىنىڭ ورىنباسارى مىندەتىن اتقارۋشى بولىپ جۇمىس ىستەدى. ونىڭ مىندەتىنە مەنەدجمەنت سۇراقتارىن ازىرلەۋ مەن ينۆەستيتسيالىق جاعدايدى جاقسارتۋ جۇمىستارى كىرۋى قاجەت بولاتىن. بەرىلگەن ارىزعا سايكەس المات ەرماعامبەتوۆ اتقارىپ وتىرعان قىزمەتىنەن بوساتىلدى»، - دەپ حابارلادى اقتوبە-اقپارات ورتالىعى.
اۆتور: التىناي ساعىندىقوۆا
