زەينەتكەر 20 جىل تىنباي ەڭبەكتەنىپ، عاجايىپ تروپيكالىق ورمان ءوسىردى - فوتو
استانا. قازاقپارات - نيك ۋيلسون 90- جىلداردا انگليانىڭ ەڭ اسەم جەرلەرىنىڭ ءبىرى - كورنۋولل گرافتىعىندا وتباسىمەن دەمالعان شاعىندا سونداعى ءوسىپ تۇرعان تروپيكالىق وسىمدىكتەرگە قاتتى قىزىققان.
سوڭىنان ءوز ءۇيىنىڭ ماڭىندا وسىرۋگە بەل بۋادى. ول جيىرما جىلدىڭ ىشىندە 1, 2 ميلليون دوللار جۇمساپ، ءوز ماقساتىنا جەتتى. 
«ماعان تروپيكالىق وسىمدىكتەردى وسىرۋگە 20 جىل ۋاقىت كەتتى. قازىر مۇندا سان الۋان قىرىققۇلاقتار (پاپوروتنيكتەر) بامبۋكتار جانە ۇلكەن جاپىراقتى وسىمدىكتەر بارشىلىق»، - دەيدى نيك ۋيلسون.
باقتى كوركەيتىپ تۇرعان وسىمدىكتەر اسا سيرەك تە كەزدەسپەيدى. بۇلاردى ۇلى بريتانيانىڭ كەز كەلگەن ب ا ق ورتالىقتارىنان كەزدەستىرۋگە بولادى. 
زەينەتكەر جۋنگليىن كورۋگە تىلەك بىلدىرگەن جانداردى قۋانىشپەن قارسى الادى. تەك ازداپ، اقشا الاتىنى بولماسا.
ءبىراق ول بارلىق تولەمدەردى ءتۇرلى قايىرىمدىلىق قورلارىنا بەرەدى. سوڭعى رەت عاجايىپ باقتى 500 قوناق ارالاعان. بۇدان 3,2 مىڭ دوللار ءتۇستى. 
جۋنگليدى ۇستاپ تۇرۋعا جىل سايىن شامامەن 257 دوللار جاراتىلادى. 
تروپيكالىق وسىمدىكتەر قىسقى سۋىققا دا ءتوزىمدى. نيككە بۇل ماۋسىمدا تەك كەيبىرىن عانا قىمتاۋىنا تۋرا كەلەدى. ال اياز بۋعان شاقتاردا ۇيىنە كىرگىزەدى. 
ونىڭ زايىبى ەرىنىڭ بۇل ىسىنە قولداۋ بىلدىرگەن ءارى ءوز ۇيلەرىندە تروپيكالىق ورمان بارلىعىن ماقتان تۇتادى.
