12:24, 30 - مامىر 2017 | GMT +6
شىعىس قازاقستاندا كيەلى جەرلەردىڭ كارتاسىنا 20 مەكەن كىرەدى
وسكەمەن. قازاقپارات - بۇگىن وبلىس اكىمى دانيال احمەتوۆ جۇمىس توبىنىڭ مۇشەلەرىمەن شىعىس قازاقستاندا جاسالىنىپ جاتقان وڭىرلىك رۋحاني سانانى جاڭعىرتۋ باعدارلاماسىن ەگجەي- تەگجەيلى تالقىلادى.
بۇل تۋرالى «قازاقپارات» ح ا ا ءتىلشىسى حابارلادى.
جينالىسقا قاتىسۋشىلار مەملەكەت باسشىسىنىڭ «بولاشاققا باعدار: رۋحاني سانانى جاڭعىرتۋ» ماقالاسىندا اتالىپ وتىلگەن ماڭىزدى اسپەكتىلەردى تالقىلادى. وڭىردە ق ر پرەزيدەنتى اتاپ وتكەن باعىتتاردى جۇزەگە اسىرۋ بويىنشا باعدارلامالار جاسالىپ جاتىر. وڭىرلىك باعدارلاما اياسىندا ش ق و- دا كيەلى جەرلەر كارتاسى جاسالىنۋدا. بۇل تىزىمگە اباي اۋدانىنداعى قوڭىر اۋليە ۇڭگىرى، شىلىكتى قورعانى، سيبين كولى جانە اۋداندارداعى باسقا دا كورىكتى مەكەندەر كىرەدى. كارتاعا كىرەتىن بارلىق نىسانداردىڭ تاريحي، ارحەولوگيالىق جانە عىلىمي ماڭىزى بولۋى ءتيىس. بۇل ماسەلەمەن قۇرامىنا باسقارما باسشىلارى، ج و و رەكتورلارى مەن عالىمدار كىرەتىن ارنايى جۇمىس توبى اينالىسۋدا.