ماكياجداعى ورەسكەل 20 قاتەلىك
1. دايىن ەمەس تەرىگە دەكوراتيۆتى كوسمەتيكا جاعۋ
كەيبىر قىز- كەلىنشەكتەر ماكياجدىڭ الدىندا ىلعالداندىرۋشى بازانى جاعۋدىڭ قاجەتى جوق دەپ ويلايدى. ءبىراق تونالدى كرەم قۇرعاق تەرىنىڭ جارىلعان جەرلەرىن كورسەتىپ تۇرادى، ال مايلى بەت ودان جىلتىراپ تۇرادى. ءبارىن باسىنان- اق قۇرتىپ الماۋ ءۇشىن الدىمەن بەت تەرىسىن دايىنداڭىز.
2. كوسمەتيكانى تىم كوپ پايدالانۋ
كەيبىر ايەلدەر كوبىرەك ارلەنسەم ادەمى بولىپ كورىنەمىن دەپ قاتەلەسىپ جاتادى. شىن مانىندە باتتاسقان ماكياج تارتىمدى ەمەس، تۇرپايى ەتىپ كورسەتەدى. قازىرگى ءسان - تابيعيلىق. سوڭعى ترەندتەردىڭ ءبىرى - «ماكياجسىز ماكياج» اسەرى.
3. بەت تەرىنە سايكەس كەلمەيتىن تونالدى نەگىز
«كۇنگە قارايعان» سۇلۋدىڭ قۇلاقتارى، موينى مەن كەۋدەسىنىڭ اقشىل بولعانىنان سوراقى ەشتەڭە جوق. بۇدان تەك «اققۇبا» ءوڭدى قىزدىڭ قارا مويىندى بولۋى اسىپ تۇسەر. مۇندايلار كوپشىلىك اراسىندا بىردەن كوزگە تۇسەدى. ەڭ دۇرىس تونالدى نەگىزدى تاڭداپ الۋ ءۇشىن ساتىلاتىن ۇلگىنى تابيعي جارىق جاعدايىندا يەگىڭىزگە جاعىپ كورىڭىز.
4. بوياۋدى ۇقىپسىز جاعۋ
قالاي- بولسا سولاي جاعىلسا، دۇرىس تاڭدالعان تون دا بەكەر ءىس بولادى. تونالدى كرەمدى تەگىس جاعۋ ءۇشىن ارنايى بوياۋ جاققىشتى نەمەسە سپونجدى پايدالانىڭىز. سول سياقتى تىم ايقىن گرافيكالىق جاعىلعان قاباق بوياۋلارى دە وڭىڭىزگە ءار بەرمەي، كەرىسىنشە جاسىڭىزدى ۇلكەيتىپ كورسەتەدى. ماكياجداعى لينيالار جۇمساق كورىنىپ، جوعارى قاراي جۇرگىزىلۋى كەرەك، ال قولدانىلعان تۇستەر ءوزارا ۇيلەسىپ تۇرۋى كەرەك.
5. تىم اشىق ءتۇستى كونسيلەردى قولدانۋ
كونسيلەردىڭ كومەگىمەن بەزەۋدى نە كوز استىنداعى سىزىقتاردى جاسىرۋعا بولادى. الايدا كەيبىر بيكەشتەر تىم اشىق نە تىم قويۋ ءتۇستى كونسيلەر جاعىپ الادى. ناتيجەسىندە جاسىرامىن دەگەن كەمشىلىكتەر مەنمۇندالاپ تۇرادى. كونسيلەر تەرى تۇسىمەن بىردەي نە جارتى رەڭگە اشىق بولۋى كەرەك. كونسيلەرلەر ءار ءتۇرلى بولادى: شابدالى رەڭدى كونسيلەردى كوزدىڭ استىنا جاعۋ كەرەك، ال جاسىل تۇستىسىمەن بەزەۋدىڭ ءۇستىن بويايدى.
6. اسىرا مۇسىندەۋ
مۇسىندەۋ - بەت ءپىشىنىنىڭ كەمشىلىكتەردى جاسىرىپ، ونى تۇزەتۋگە ارنالعان ءادىس. بۇل تەحنيكا تىم كۇردەلى جانە ول ەكىنىڭ ءبىرىنىڭ قولىنان كەلمەيدى. ادەتتە جىبەرىلەتىن قاتەلەر: جاراسپايتىن رەڭدى قولدانۋ، دۇرىس ەمەس جاعۋ. رەلەفتى كەلبەت سۋرەتتەر مەن بەينەجازبالاردا ادەمى كورىنەدى، ءبىراق كۇندەلىكتى ومىردە بۇل ءتاسىلدى ءجيى پايدالانا بەرمەۋ كەرەك
7. سكۋلپتور ورنىنا برونزەردى قولدانۋ
برونزەر حايلايتەر سياقتى بەتتىڭ شىعىڭقى بولىكتەرىنە جاعىلىپ، كۇنگە قارايعان تەرىنى ەرەكشەلەپ كورسەتۋگە ارنالعان. جيرەن رەڭدى برونزەردى بەت ءپىشىنىن دۇرىستاۋ ءۇشىن پايدالانۋعا بولمايدى! بۇل ءۇشىن سكۋلپتور بار. ادەتتە ونىڭ رەڭى سۇرعىلت- كۇڭگىرت جاسىل بولادى (بوياۋ تۇستەرى) جانە ول جاق سۇيەگىنە، يەككە جانە شاشتىڭ ءوسۋ لينيالارىنا جاعۋ ءۇشىن ارنالعان.
8. دالاپتى شەكتەن تىس جاعۋ
دالاپتى (رۋميانا) نەعۇرلىم كوپ جاقسا، سوعۇرلىم جاس كورىنەمىن دەۋ - قاتەلىك. ونى دۇرىس پايدالانۋ ءۇشىن الدىمەن جىميىپ، رۋميانانى بەتتىڭ تومپاق بولىگىنىڭ ۇستىڭگى جاعىنان باستاپ سامايعا دەيىن جاعىپ شىعىڭىز.
9. وپانى بەتكە تۇگەل جاعۋ
وپا ماكياجدى «بەكىتۋ» ءۇشىن جاعىلادى. ونى ت- زوناعا جاعۋ كەرەك: ماڭدايعا، مۇرىنعا جانە يەككە. كوپشىلىك قىزدار وپانى بەتكە تۇگەل جاعىپ الىپ، فارفور قۋىرشاققا ۇقساپ كەتەدى. وپا سونىمەن قاتار بەتتى قۇرعاتىپ، اجىمدەرىڭىز بولسا كورسەتىپ تۇرادى. سوندىقتان وتىزدان سوڭ وپانى ودان دا ازايتقان ءجون.
10. قاستى قارا قارىنداشپەن بوياۋ
قاستى بوياۋ ءسانى جىلدام وزگەرىپ تۇرادى، دەگەنمەن ونى قارىنداشپەن بوياۋ قاي كەزدە دە جاقسى بولماعان. ۆيزاجيستەر قاستى بوياۋ ءۇشىن قارىنداشتىڭ ورنىنا قاباق بوياۋلارىن نە ارنايى تينتتەردى قولدانۋعا كەڭەس بەرەدى. ال قارىنداشتى عانا پايدالانام دەسەڭىز، ول قاستىڭ تابيعي تۇسىنەن ءبىر رەڭگە اشىعىراق بولۋى كەرەك.
11. قاباققا بوياۋدى تۇگەل جاعۋ
كەيبىر ايەلدەر سەكسەنىنشى جىلداردىڭ ءسانىن ۇمىتا الماي، ءالى كۇنگە دەيىن قاباقتى كىرپىكتەن باستاپ قاسقا دەيىن بويايدى. قازىرگى زامانعى ماكياج ەرەجەسى بويىنشا ءتۇستى بوياۋلار تەك قاباقتىڭ قوزعالمالى بولىگىنە جاعىلادى. ال قاستىڭ استىنداعى قوزعالمايتىن بولىككە حايلايتەر قولدانىلۋى كەرەك.
12. كوز تۇسىمەن تۇسىمەن بىردەي قاباق بوياۋى
كوز بەن قاباق بوياۋىنىڭ ءتۇسى بىردەي بولماۋى كەرەك. قوڭىر كوزدەرگە كوك جانە كۇلگىن ءتۇستى، كوگىلدىر كوزدەرگە قويۋ كۇلگىن، كوڭىر كۇرەڭ ءتۇستى، ال جاسىل كوزدەرگە كۇرەڭ جانە قويۋ قىزعىلت ءتۇستى بوياۋلار جاراسادى.
13. جىلتىراعى كوپ بوياۋلاردى قولدانۋ
جىلتىر بوياۋلار تەك كەشتەر مەن مەرەكەلىك جيىندار ءۇشىن عانا ورىندى. كۇندەلىكتى كەڭسەدەگى جۇمىس ءۇشىن ماكياج بايسالدى رەڭدەردەن قۇرالۋى كەرەك.
14. قارا «قۇرساۋداعى» كوزدەر
دۇرىس جاعىلعان سۇرمە كوزدى اشىپ، ونى ادەمى ەتىپ كورسەتەدى. كەيبىر بويجەتكەندەر سۇرمەنى كوزدىڭ بۇكىل كونتۋرىنا جاعادى، بۇل دۇرىس ەمەس. كوزدىڭ تومەنگى شىرىشتى بولىگىن قارا لاينەرمەن بوياۋ ونى كىشىرەيتىپ كورسەتەدى. ەگەر بۇل جەردى بوياعىڭىز كەلسە، تەك كوزدىڭ سىرتقى بۇرىشىنداعى كىرپەكتەر اراسىن عانا سىزىپ شىعىڭىز.
15. كىرپىكتىڭ ءتۇبىن بوياماۋ
بىلاي قاراعاندا، بولماشى نارسە كورىنگەنىمەن، بۇل جالپى وبرازدى بۇزۋى مۇمكىن. كىرپىكتىڭ ءتۇبى بويالماسا، تەپە- تەڭدىك ساقتالماي، جاراسىمسىز بولىپ تۇرادى. مۇنىڭ الدىن الۋ ءۇشىن كىرپىكتىڭ تۇبىنە لاينەردى نەمەسە قويۋ ءتۇستى قاباق بوياۋىن جاعىڭىز.
16. اگرەسسيۆتى سىزىقتار
قاباققا تىم ۇزىن سىزىق بوياۋ كاريكاتۋرالىق كەلبەت بەرەتىنىن ۇمىتپاڭىز. تۇنگى كلۋب ەمەس، جۇمىسقا باراتىن بولساڭىز، سىزىقتى ۇقىپتى ەتىپ جاعىڭىز.
17. ءتۋشتى تىم كوپ جاعۋ
ۇزىن ءارى قالىڭ كىرپىكتەر - ءار ايەلدىڭ ارمانى. بوياۋ ءۇستى- ۇستىنەن جاعىلسا، كىرپىكتەر ءبىر- بىرىنە جابىسىپ قالادى. مۇنىڭ ۇستىنە تۋش كەپكەننەن ۇگىلىپ تۇسە باستايدى. سونداي- اق ۇقىپسىز جاپسىرىلعان جاساندى كىرپىكتەر دە ادەمى كورىنبەيدى.
18. ەرىنگە ارنالعان كونتۋر مەن دالاپتىڭ ۇيلەسپەۋى
كونتۋر قارىنداش ەرىن فورماسىن ەرەشەلەپ، دالاپتى بەكىتۋگە ارنالعان. ءبىراق ول مىندەتتى تۇردە دالاپ رەڭىمەن سايكەس كەلۋى كەرەك.
19. ەرىنگە ارنالعان جىلتىردىڭ جايىلىپ كەتۋى
ستيليستەردىڭ ايتۋىنشا ەرىنگە ارنالعان جىلتىر 2004 -جىلدان كەيىن ساننەن قالىپ قويعان. قازىر ول تەك ەرىنگە كولەم بەرۋ ءۇشىن ازداعان مولشەردە قولدانىلادى. ەرنىڭىزدى ۇلكەيتىپ كورسەتۋ ءۇشىن ەرىننىڭ تۋرا ورتا تۇسىنا ازداپ جاعىڭىز.
20. قۇرعاق ەرىنگە كۇڭگىرت دالاپ جاعۋ
كۇڭگىرت دالاپتار كەرىسىنشە ءقازىر ترەندتە. ءبىراق ونى تەپ- تەگىس ەرىنگە جاعۋ كەرەك. ەرىنگە ارنالعان سكرابپەن تەرىنىڭ ءولى قاباتىن سىدىرىپ تاستاعاننان كەيىن عانا كۇڭگىرت دالاپ جاعىڭىز. ايتپەسە كۇڭگىرت دالاپتىڭ ار جاعىنان قۇرعاعان ەرىن قاباتتارى جالبىراپ تۇرۋى مۇمكىن.
http://arular.kz/makeup-mistakes/