09:29, 23 - مامىر 2017 | GMT +6
ستاديون الاڭىندا بولعان جارىلىستان قازا تاپقاندار سانى 20 عا جەتتى
استانا. قازاقپارات - مانچەستەردەگى قالالىق جابىق ستاديون الاڭىندا بولعان جارىلىستان جيىرما ادام قازا تاۋىپ، جۇزدەگەن ادام زارداپ شەكتى، دەپ حابارلايدى ت ا س س اگەنتتىگى.
جارىلىس بيلەتتەر ساتىلاتىن دالىزدە بولعان. قازىرگى ۋاقىتتا وقيعا ورنىندا ارنايى ماماندار جۇمىس جۇرگىزۋدە.
ايتا كەتەيىك، امەريكالىق ءانشى اريانا گراندەنىڭ كونسەرتى وتكەن «مانچەستەر-ارەنا» ستاديونىندا ەكى دۇركىن جارىلىس بولدى.
ستاديونعا 21 مىڭ ادام سيادى. كۋاگەرلەردىڭ ايتۋىنشا، جارىلىس كونسەرت اياقتالىپ، كورەرمەندەر الاڭنان شىعىپ كەتكەننەن كەيىن بولعان. «اريانا گراندە سوڭعى ءانىن ورىنداپ، ساحنادان ءتۇسىپ كەتتى. سول ساتتە قاتتى جارىلىستىڭ داۋىسى شىقتى. مىڭداعان ادامنىڭ الاڭنان شىعۋعا تالپىنىپ، ايقايلاپ جىلاعان داۋىسى ەستىلدى»، - دەيدى وقيعا كۋاگەرى Daily Mail باسىلىمىنا بەرگەن سۇحباتىندا.