16:49, 02 - ءساۋىر 2017 | GMT +5
پاكىستاندا رۋحاني تالىمگەر ءوزىنىڭ 20 ءىزباسارىن ءولتىردى
استانا. قازاقپارات - پاكىستاننىڭ سولتۇستىك-شىعىسىنداعى رۋحاني ورتالىقتاردىڭ بىرىندە تالىمگەر ءوز جاقتاستارىمەن بىرگە كەم دەگەندە 20 جاماعاتتى ءولتىردى.
ولارعا الدىن الا ەسىرتكى بەرىلگەنى انىقتالدى. وقيعا پەندجاب پروۆينتسياسىنىڭ سارگودحا قالاسىندا بولعان، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
قىلمىسكەرلەر ادامداردى ءولتىرۋ ءۇشىن ماچەتە مەن سويىلدى قولدانعان. سونداي-اق جاراقات العان تاعى ءۇش ادام تۋرالى حابارلانۋدا.
شابۋىل جاساعان قاسكوي اۋىر پسيحيكالىق سىرقاتقا شالدىققانى بەلگىلى بولدى. ءوز كەزەگىندە، شينحۋا اگەنتتىگىنىڭ اقپاراتىنا سايكەس، جاپپاي ادام ءولتىرۋ وقيعاسى ورىن العان عيمارات بىرنەشە جىل بۇرىن تۇرعىزىلعان جانە رۋحاني ورتالىق بيلىكتىڭ تىيىم سالۋىنا قاراماستان جۇمىس جاساپ كەلگەن.
پوليتسيا كۇدىكتى مەن ونىڭ بەس سىبايلاسىن تۇتقىندادى، تەرگەۋ جۇمىستارى جۇرگىزىلۋدە.
