اتىراۋلىق 20 جاستاعى جىگىت الەم عالىمدارى باس قاتىرعان ەسەپتى شىعاردى
بۇل شەڭبەردىڭ كۆادراتۋراسى مەن كۋبتىڭ ەكى ەسەلەنۋى تۋرالى ەسەپتەرمەن قاتار كوپ عاسىرلار بويى كلاسسيكالىق شەشىلمەيتىن قۇرىلىمدىق ويجۇمباق دەپ سانالىپ كەلدى. ماسەلە مىنادا، تسيركۋلدىڭ جانە سىزعىشتىڭ كومەگىمەن بەرىلگەن بۇرىشتى تەڭ ءۇش بولىككە ءبولۋ كەرەك. مۇنداي قۇرىلىمنىڭ مۇمكىن ەمەستىگىن، ءتىپتى، فرانتسۋز ماتەماتيگى پەر لوران ۆانتسەل 1837 -جىلى دالەلدەگەن.
اقىلبەك ەسەپ تۋرالى العاش رەت 15 جاسىندا ماتەماتيكادان فاكۋلتاتيۆتىك ساباق بارىسىندا ۇستازىنان ەستىگەن. سودان بەرى ول ءار بوس ۋاقىتىن ەسەپ ۇستىندە وتكىزگەن.
بۇل كونە ەسەپتىڭ شەشىمى ەۋروپالىق ماتەماتيكا وداعىنىڭ سايتىندا ۇسىنىلىپ وتىر.
اقىلبەك ەسەپتىڭ شەشىمىن تاپقانىن تۇسىنگەن كەزدە، ەۋروپا ماتەماتيكا قوعامىنا دەرەۋ حات جازعان. ەكى ايدان كەيىن جاۋاپ كەلدى. جوعارى كوميسسيا اقىلبەك كوپجاساروۆتى 2018 -جىلى كەزەكتى ەۋروپالىق ماتەماتيكالىق كونگرەسس كەزىندە ماراپاتقا ۇسىنباق.
جاس جىگىت ابەل سىيلىعىن العىسى كەلەتىندىگىن جاسىرمايدى. بۇل ماتەماتيكا بويىنشا نوبەل سىيلىعىنا پارا- پار كەلەدى، اقشالاي سىيلىق مولشەرى 1 ميللون دوللاردان استام.
