00:04, 11 - ناۋرىز 2017 | GMT +5
ميانمانىڭ 20 مىڭعا جۋىق تۇرعىنى قىتايعا باس ساۋعالاپ وتكەن
استانا. قازاقپارات - ميانمانىڭ شان شتاتىنداعى قارۋلى قاقتىعىستىڭ سالدارىنان سوڭعى ايلاردا 20 مىڭعا جۋىق بەيبىت تۇرعىن قىتايعا قاراي باس ساۋعالاپ وتكەن.
بۇل تۋرالى قىتاي سىرتقى ىستەر مينيسترلىگىنىڭ رەسمي وكىلى گەن شۋان مالىمدەدى.
شەنەۋنىكتىڭ ايتۋىنشا، قاقتىعىستىڭ شيەلەنىسۋىنە بايلانىستى تۇرعىندار ءوز ومىرىنە قاۋىپتەنىپ، شەكارا اسۋعا ءماجبۇر. ال وڭىردەگى كوتەرىلىسشىلەر مەن ۇكىمەت اسكەرى اراسىنداعى قاقتىعىس 2014 -جىلى شان شتاتىنىڭ كوكانگ ايماعىندا تۋعان. مۇنداعى ەتنيكالىق قىتايلار كەڭ اۆتونوميا الۋدى نەمەسە جەكە ءبولىنىپ شىعۋدى قالايدى.
گەن شۋان، ق ح ر سىرتقى ىستەر مينيسترلىگىنىڭ رەسمي وكىلى:
- قىتاي ەلى ميانماداعى جاعدايدى ءجىتى باقىلاپ وتىر. سوندىقتان قاقتىعىسۋشى تاراپتاردان اتىستى توقتاتىپ، ايماقتاعى تۇراقتىلىقتى قالپىنا كەلتىرەتىن شارالاردى قولعا الۋعا شاقىرادى. سونداي- اق تاراپتار ماسەلەنى بەيبىت كەلىسسوز ارقىلى شەشەدى دەگەن ۇمىتتەمىز.
www.24.kz
