قازاقستاندا 20 مىڭ جۇمىس ورنىن قامتيتىن جوبا تۋرالى ايتىلدى
بۇل تۋرالى بۇگىن اتىراۋدا وتكەن اتالعان جوبا بويىنشا قۇرىلىس كومپانيالارىنىڭ فورۋمىندا ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى ءبىرجان نۇرىمبەتوۆ ءمالىم ەتتى، دەپ حابارلايدى قازاقپارات.
وسى ورايدا ول جوعارىدا ايتىلعان «تەڭىزشيەۆرويل» ج ش س جوباسى مەملەكەتتەگى وتە ءساتتى ۇزاقمەرزىمدى ينۆەستيتسيالىق ساياساتتىڭ كورىنىسى بولىپ تابىلاتىنىن اتاپ ءوتتى. وسى جوبادا شوعىرلاناتىن شەتەلدىك ينۆەستيتسيالار مۋلتيپليكاتيۆتىك اسەر بەرىپ، بيزنەستىڭ دامۋىنا، سونىمەن قاتار حالىقتىڭ الەۋمەتتىك جاي- كۇيىن جاقسارتۋعا ىقپالىن تيگىزەدى.
«بۇگىندە «تەڭىزشيەۆرويل» ج ش س- نىڭ دەرەكتەرى بويىنشا، «بولاشاق» كەڭەيتۋ- ساعالىق قىسىمدى باسقارۋ جوباسىنا 10,5 مىڭ ادام جۇمىسقا ورنالاستىرىلعان، ونىڭ ىشىندە 9,4 مىڭى جەرگىلىكتى قىزمەتكەرلەر. بۇل قازاقستاندا جۇمىس ىستەيتىن جوباداعى بارلىق پەرسونالدىڭ 90 پايىزىن قۇرايدى. ۇكىمەت «بولاشاق» كەڭەيتۋ- ساعالىق قىسىمدى باسقارۋ جوباسى شەڭبەرىندە قازاقستان بويىنشا 20 مىڭنان استام جۇمىس ورنى اشىلادى دەپ كۇتۋدە. بۇل رەتتە جەرگىلىكتى مامانداردىڭ سانى 18 مىڭعا جەتۋى مۇمكىن. سونداي- اق «تەڭىزشيەۆرويل» ج ش س قازاقستاندىق كادرلاردى وقىتۋ جانە دايىنداۋ مىندەتتەمەسىن ءوز موينىنا الىپ وتىر»، - دەدى ءبىرجان نۇرىمبەتوۆ.
ۆيتسە- مينيستر سونداي- اق «بولاشاق» كەڭەيتۋ- ساعالىق قىسىمدى باسقارۋ جوباسىنا اتىراۋ مەن ماڭعىستاۋ وبلىستارىنان جانە جاقىن ورنالاسقان وڭىرلەردەن (اقتوبە، قىزىلوردا، باتىس قازاقستان وبلىستارى) جۇمىسكەرلەر تارتۋ جوسپارلانىپ وتىرعانىن ايتتى.
ءىس- شاراعا ورتالىق جانە جەرگىلىكتى اتقارۋشى ورگانداردىڭ، «تەڭىزشيەۆرويل» ج ش س- نىڭ قازاقستاندىق جانە حالىقارالىق مەردىگەرلىك ۇيىمدارىنىڭ وكىلدەرى قاتىستى
اۆتور: رۋسلان عابباسوۆ
