سەمەيدە 20 جىل بۇرىن جوعالىپ كەتكەن ءسابي قايتا ىزدەستىرىلە باستادى
ۇزاق ۋاقىت بويى ءىز-ءتۇسسىز جوعالعان جەتكىنشەك تابىلماعاننان كەيىن، تەرگەۋشىلەر ونى ۇرلاپ اكەتتى دەگەن بايلامعا كەلگەن. ارادا ۋاقىت وتكەننەن كەيىن پوليتسيا جوعالىپ كەتكەن بالانى ىزدەۋ جۇمىستارىنا قايتا كىرىستى. ولار ارادا ءبىراز جىل وتكەندىكتەن وقيعا كۋاگەرلەرى نەمەسە قىلمىسكەرلەردىڭ وزدەرى بار شىندىقتى ايتىپ بەرەدى دەپ ۇمىتتەنىپ وتىر.
بۇل تۋرالى BNews.kz حابارلادى.
1996 -جىلدىڭ 14 -شىلدەسىندە بالالار ساۋىقتىرۋ ورتالىعىنىڭ مەيىربيكەلەرى 16 بالانى سەرۋەنگە الىپ شىققان-دى. سەيىل-سەرۋەن اياقتالعان سوڭ قاتارلاستارىمەن بىرگە ورتالىققا بەس جاسار ەرجان ءسۇيىنجانوۆ ورالماي قالدى. ول بالانىڭ قانداي جاعدايعا دۋشار بولعانى ءالى كۇنگە دەيىن بەلگىسىز.
«ەرجاننىڭ جوعالىپ كەتكەنى تۋرالى ورتالىق قىزمەتكەرلەرى تەك ءۇشىنشى كۇنى حابارلادى. سول كۇننەن بەرى ول ءىز-ءتۇسسىز جوعالىپ كەتكەندەردىڭ قاتارىندا. نە بولعانىن سول كۇيى ەشكىم ءتۇسىندىرىپ بەرە المادى. مەيىربيكەلەر بالانى ءجىتى باقىلاپ تۇرعاندارىن، ال ءبىر ساتتە ونى تابا الماي قالعاندارىن ايتقان ەدى»، - دەيدى بالانىڭ نەمەرە اعاسى دانيال ءسۇيىنجانوۆ.
بالانىڭ ءىز-ءتۇسسىز جوعالىپ كەتكەنى بەلگىلى بولا سالىسىمەن-اق، قۇزىرلى ورگاندار ىزدەستىرۋ جۇمىستارىنا كىرىسكەن. ءتىپتى، وعان اسكەريلەر مەن ورمانشىلار جۇمىلدىرىلعان.
«500 گە جۋىق ادام 10 شاقىرىم بويى ءبىر-بىرىنەن جارتى مەتر قاشىقتىقتا ورماندى ءتىنتىدى. ىزدەۋگە قىزمەتتىك- ىزدەۋ يتتەرى مەن تىكۇشاق تا قوسىلدى. ەگەر بالانى الدەبىرەۋلەر ولتىرسە نە بولماسا جابايى اڭدار شابۋىلداسا، ءبىر ءىز قالار ەدى. ءبىراق ەشتەڭە تابىلمادى»، - دەيدى سەمەي قالاسى ءى ءى ب قىلمىستىق پوليتسياسى ىزدەۋ ءبولىمىنىڭ جەدەل ۋاكىلى سايات سارتوۆ.
ساۋىقتىرۋ ورتالىعىنىڭ قىزمەتكەرلەرى دە ەشتەڭەنى اشىپ ايتا المادى. ولاردىڭ سوزىنە قاراعاندا بارلىق بالالار بىرگە ويناپ جۇرگەن، ال ءبىر ساتتە ەرجان جوق بولىپ كەتكەن. اتالعان مەكەمە ديرەكتورى جۇمىسىنا سالعىرت قاراپ، قول قۋسىرىپ قاراپ وتىرعانى ءۇشىن جۇمىستان قۋىلدى. ال ەرجاننىڭ وتباسىنا مورالدىق وتەماقى تولەندى.
«بالانى ىزدەۋ بارىسىندا جەدەل- ىزدەۋدىڭ بارلىق شارالارى قولدانىلدى. ش ق و بويىنشا ا ح ا ج ورگانى تەكسەرىلدى (اتى- ءجونىن، تۋعان كۇنى، ايى مەن جىلىن اۋىستىرعان ادامدار اراسىندا). ءدال وسىنداي جەدەل سۇرانىمدار قازاقستاننىڭ، رەسەي مەن قىرعىزستاننىڭ قۇقىقتىق مەكەمەلەرىنە جىبەرىلدى. مىسالى، وتباسىندا بالانى ەپوسيا دەپ اتايتىنىن بىلدىك. بارلىق مەكتەپ مۇعالىمدەرىنەن وسى ءسوزدى وقۋشىلاردىڭ الدىندا ايتۋىن وتىندىك. بالكىم سول كەزدە جاڭا ەسىمگە يە بولعان بالا بىردەڭەنى ەسىنە تۇسىرەر دەپ ۇمىتتەندىك»، - دەيدى سەمەي قالاسى ءى ءى ب باسپا ءسوز قىزمەتىنىڭ جەتەكشىسى ەلۋبەك وسپانوۆ.
ادام ۇرلاۋ قىلمىسى بويىنشا ىزدەستىرۋ مەرزىمى ەسكىرگەندىكتەن، ىزدەۋ شارالارى قايتا باستالدى. قازىرگى ۋاقىتتا سول كۇنى ەرجانمەن بىرگە بولعان، بۇگىندە ەسەيگەن بالالاردان جاۋاپ الىنۋدا. ودان كەيىن ساۋىقتىرۋ ورتالىعىنىڭ قىزمەتكەرلەرىمەن جۇمىس باستالماق.
بۇل ارالىقتا ءسۇيىنجانوۆتار وتباسى سان مارتە رەت ينتەرپولدىڭ كومەگىنە جۇگىنىپ، «ج د ي مەنيا» باعدارلاماسىنا بارعان. سول سياقتى ءارتۇرلى مينيسترلەر كورىپكەل- بالگەرلەردىڭ تابالدىرىعىن توزدىرعان.
ءسۇيىنجانوۆتار وتباسى بالانى اسىراپ الۋ ءۇشىن ۇرلاپ اكەتكەندىگىنە سەنىمدى. سولاي بولعان جاعدايدا، ەرجان بۇگىندە ەر جەتكەن 25 جاستاعى جىگىت. اتا-اناسى كۇندەردىڭ كۇنىندە سۇيىكتى كەنجە ۇلدارىن كورەمىز دەپ ۇمىتتەنىپ وتىر.
«ەگەر ەرجان باسقا وتباسىندا تاربيەلەنىپ جاتسا، سولاي-اق بولسىن. ءبىز ونى اسىراپ العان اتا-اناسىنا زاڭدىق تۇرعىدان ەشقانداي دا شاعىم تۇسىرمەيمىز. ءبىز بار بولعانى ۇلىمىزدىڭ تاعدىرىن بىلگىمىز كەلەدى»، - دەيدى دانيال ءسۇيىنجانوۆ.
